شوبز انڈسٹری کی ابھرتی ہوئی اداکارہ مومنہ اقبال کی مزاحیہ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر مومنہ اقبال نے دلچسپ ویڈیو شیئر کی جسے مداحوں کی جانب سے خوب سراہا جارہا ہے۔
اداکارہ ویڈیو میں لپ سنکنگ کرتے ہوئے کہتی ہیں کہ ’ہر رشتے کے دو طریقے ہوتے ہیں پہلے وہ ہوتا ہے اتنا پیار ہوتا ہے کہ بے انتہا محبت ہوتی ہے۔‘
مومنہ اقبال پھر کہتی ہیں کہ ’دوسرا طریقہ وہ ہوتا ہے جس میں اپنی شرم حیا لجا سب کچھ بیچ کر کھاجاتے ہیں۔‘
اداکارہ سوشل میڈیا پر کافی متحرک رہتی ہیں کہ اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ مومنہ اقبال اے آر وائی ڈیجیٹل کے ڈرامہ سیریل ’سمجھوتہ‘ میں ’مہرین‘ کا کردار نبھا رہی ہیں۔
ڈرامہ سیریل ’سمجھوتہ‘ کی دیگر کاسٹ میں جاوید شیخ، صبا فیصل، شائستہ لودھی، عدیل چوہدری، علی انصاری، سدرہ نیازی، شازیل شوکت، زین بیگ ودیگر شامل ہیں۔
سمجھوتہ کی ہدایت کاری کے فرائض اسد اقبال نے انجام دیے ہیں جبکہ اس کی کہانی رخسانہ نگار نے لکھی ہے۔