پاکستان شوبز انڈسٹری کی معروف گلوکارہ مومنہ مستحسن اور اداکارہ اشنا شاہ بھی روس یوکرین تنازع پر بول پڑیں۔
معروف گلوکارہ مومنہ مستحسن نے سماجی رابطے کی ویب سائٹ ٹویٹر پر روس یوکرین تنازع پر افسوس کا اظہار کرتے ہوئے لکھا کہ تقریباً نصف دہائی تک ان کے خاندان نے یوکرین کے دارالحکومت کیف کو اپنا گھر کہا۔
گلوکارہ نے لکھا کہ ’یوکرین کے عوام کو اپنے پڑوسیوں کی بلا اشتعال جارحیت کے بغیر اپنی خود مختاری کا پورا حق حاصل ہے۔‘
مومنہ نے اپنے ٹویٹ میں تمام انسانی زندگیوں کی حفاظت کے لیے دعا کی اور لکھا کہ جنگ کسی چیز کا جواب نہیں ہے۔
For nearly half a decade, my family called Kyiv home. The people of Ukraine have every right to their sovereignty, without unprovoked aggression from their neighbors. Praying for all human lives & hoping for better sense to prevail. War is never the answer. #RussiaUkraineConflict
— Momina Mustehsan (@MominaMustehsan) February 24, 2022
معروف اداکارہ اشنا شاہ نے بھی اپنے ٹویٹر اکاؤنٹ پر روس کی جانب سے یوکرین پر کیے جانے والے حملوں پر افسوس کا اظہار کیا ہے۔
اشنا شاہ نے لکھا کہ ’یوکرین کے بارے میں سن کر دل دہل گیا، سب کی حفاظت کے لیے دعا کررہی ہوں۔‘
انہوں نے لکھا کہ اس سے پہلے کہ کوئی ان پر تنقید کرے وہ بتانا چاہتی ہیں کہ انہیں کشمیریوں، فلسطینیوں، شامیوں اور ایغور میں موجود لوگوں کے لیے بھی بہت دکھی ہیں اور ان سب کے لیے ہمیشہ ٹویٹ کرتی رہتی ہیں۔‘
Heartbroken to heart about Ukraine, praying for everyone’s safety. ❤️
(& before you get at me I am heartbroken for Kashmiris, Palestinians, Syrians, Uyghur etc too. I tweet about them all the time. Please sar na khao)
— Ushna Shah (@ushnashah) February 24, 2022
یاد رہے کہ گزشتہ روز روس نے یوکرین پر حملہ کردیا جس کے نتیجے میں متعدد افراد کے ہلاک اور زخمی ہونے کی اطلاعات ہیں۔
