کراچی: اسٹیٹ بینک نے آئندہ 2 ماہ کے لیے مانیٹری پالیسی کا اعلان کر دیا۔ شرح سود 5.75 کی موجودہ سطح پر برقرار رکھی گئی ہے۔
اسٹیٹ بینک کے مطابق رواں مالی سال میں مہنگائی توقعات کے مطابق رہی۔ صارفین کے اعتماد میں نہ صرف اضافہ ہوا بلکہ مسقبل میں مقامی طلب میں مزید اضافہ بھی متوقع ہے۔
قرضوں میں اضافہ
اسٹیٹ بینک کا کہنا ہے کہ زیر غور عرصے میں زراعت، بڑی صنعتوں کی پیداوار اور نجی شعبے کو دیے جانے والے قرضوں میں اضافہ ہوا ہے۔ مالی سال 2017 میں معاشی شرح نمو بہتر رہے گی۔
- Advertisement -
اسٹیٹ بینک کا کہنا ہے کہ رواں مالی سالی نجی شعبے کو دیے گئے قرضوں کے حجم میں 349 ارب روپے کا اضافہ ہوا جبکہ صارفین کے قرضے بھی بڑھے ہیں۔
رواں مالی سال درآمدات میں اضافے اور برآمدات و ترسیلات زر میں کمی کے باعث جاری کھاتوں کے خسارے میں اضافہ ہوا۔ تاہم چند جامع اقدامات سے اس پر قابو پایا جا سکتا ہے۔
