The news is by your side.

Advertisement

جعلی اکاؤنٹس کیس: مردہ شخص کے بینک سے اربوں روپے کی منتقلی کا انکشاف

کراچی:‌ جعلی بینک اکاؤنٹس کیس میں‌ حیران کن واقعات کا سلسلہ جاری ہے، فالودے  اور رکشے والے کے بعد ایک مردہ شخص‌ کے نام پربینک اکاؤنٹس نکل آئے.

تفصیلات کے مطابق منی لانڈرنگ کیس کی تفتیش قبرستان تک پہنچ گئی، مردہ شخص کے بینک اکاؤنٹ سے اربوں روپے کی منتقلی کا انکشاف ہوا ہے.

تفتیشی اداروں‌ نے مئی 2014 میں انتقال کرنے والے اقبال آرائیں کے نام سے موجود اکاؤنٹ تک رسائی حاصل کر لی،جس سے اربوں روپے کی ٹرانزیکشنز کی گئی.

ذرائع کے مطابق اقبال آرائیں کےاکاؤنٹ سے مجموعی طور پر 4 ارب 60 کروڑکی ٹرانزیکشن ہوئی.

واضح رہے کہ اقبال آرائیں کا انتقال 9 مئی 2014 کو شہید ملت روڈ پرواقع اسپتال میں ہوا تھا، مرحوم کی تدفین سخی حسن قبرستان میں ہوئی تھی۔

ذرائع کے مطابق محمداقبال آرائیں کےنام پر 4 بینک اکاؤنٹ کھولےگئے، ان چار کھاتوں کے لیے تین مختلف بینکوں کا انتخاب کیا گیا تھا.


مزید پڑھیں: ایک اورجعلی بینک اکاؤنٹ : ڈیڑھ ارب روپے کی ٹرانزیکشن کا انکشاف


ان چاروں بینک اکاؤنٹس کو رقوم کی منتقلی کے استعمال کیا گیا.

یاد رہے کہ منی لانڈرنگ سے متعلق تحقیقات میں‌روز روز نئے انکشافات سامنے آرہے ہیں. گذشتہ چند روز میں فالودے والے، رکشے والے، سرکاری ملازمین کے ایسے اکاؤئنٹس سامنے آچکے ہیں، جن سے اربوں روپے کی منتقلی ہوئی.

Comments

comments

یہ بھی پڑھیں