The news is by your side.

Advertisement

سلیمان شہبازکے 60 کروڑکی بلیک منی کووائٹ منی میں بدلنے کیلئے میرا اکاؤنٹ استعمال کیا گیا،انکشاف

لاہور : شہباز فیملی کیخلاف وعدہ معاف گواہ بننے والے مشتاق چینی نے انکشاف کیا کہ سلیمان شہبازکےساٹھ کروڑکی بلیک منی کووائٹ منی میں بدلنے کے لیے میرا اکاؤنٹ استعمال کیا گیا، قرض کے فرضی معاہدے بنائے گئے اور مفروضے کو حقیقت کا رنگ دینے کے لیے سلیمان شہباز نے دس کروڑ منتقل کرائے۔

تفصیلات کے شہباز فیملی کیخلاف وعدہ معاف گواہ بننے والے مشتاق چینی کا بیان بھی سامنے آ گیا، جس میں مشتاق چینی نے بتایا کہ قاسم قیوم اور عبدالقیوم نے میرے اکاونٹ سے 50 کروڑ روپے سے زائد کی ٹی ٹیز لگوائیں۔

شہباز فیملی کیخلاف وعدہ معاف گواہ بننے والے مشتاق چینی نے اپنے بیان میں اعتراف کیا ہے کہ قاسم قیوم اور عبدالقیوم نے میرے اکاونٹ سے 6 کروڑ روپے کی ٹی ٹیز لگوائیں، میں نے قاسم قیوم کو نقد 6 کروڑ روپے دیئے۔ قاسم قیوم نے وہ ٹی ٹیز لگوائیں اور یہ ظاہر کیا کہ یہ رقم مجھے باہر سے موصول ہوئی ہے۔

مشتاق چینی نے مزید کہا کہ 2014 میں مجھے سلمان شہباز کا کالا دھن سفید کرنے کے استعمال کیا گیا، مجھے کہا گیا کہ سلمان شہباز کے 60 کروڑ کو بلیک سے وائٹ منی میں منتقل کرنا ہے۔ میں نے بے بسی کا اظہار کیا تو کہا گیا صرف آپ کا اکاونٹ استعمال ہو گا، پرانے کاروباری تعلقات اور لالچ میں آ کر میں نے اجازت دے دی۔

وعدہ معاف گواہ کا کہنا تھا کہ 2014 میں سرکلر روڈ براںچ سے 21 کروڑ 40 لاکھ روپے کی ٹی ٹیز لگوائی گئیں، اسی سال پھر مشتاق اینڈ کمپنی کے اکاونٹ سے 29 کروڑ 30 لاکھ روپے کی ٹی ٹیز لگائی گئیں، اس رقم کے برابر میں نے چیک کاٹ کر محمد عثمان کے حوالے کر دیئے۔

مشتاق چینی نے مزید کہا کہ وقار ٹریڈنگ کمپنی سے میرے اکاونٹ میں 10 کروڑ منتقل کئے گئے، اس رقم کے برابر کا چیک میں نے محمد عثمان کے حوالے کیا، سلمان شہباز نے ان ساری ٹرانزیکشن کے فرضی معاہدے تیار کروائے، معاہدوں کے مطابق 60 کروڑ کی رقم میں نے سلمان شہباز سے بطور قرض حاصل کی، فرضی قرضے کو حقیقت کا رنگ دینے کے لیے سلمان شہباز نے 10 کروڑ روپے میرے اکاونٹ میں منتقل کروائے تھے۔ میں اپنے عمل پر نادم ہوں اور معافی چاہتا ہوں۔

Comments

یہ بھی پڑھیں