تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

منی لانڈرنگ کیس : مونس الہٰی دیگرکی ضمانتوں میں توسیع

لاہور: منی لانڈرنگ کے مقدمہ میں مونس الہٰی سمیت دیگر ملزمان کی عبوری ضمانتوں میں 14 جولائی تک توسیع کردی گئی۔

بینکنگ عدالت میں مونس الہٰی، محمد خان بھٹی اور واجد احمد نے حاضری مکمل کرائی، اس موقع پر تفتیشی افسر نے عدالت کے روبرو بیان دیا کہ تمام ملزمان شامل تفتیش ہوچکے ہیں انہوں نے گزشتہ ہفتے تفتیش جوائن کی ہے اور اپنے دفاع میں دستاویزات جمع کرانے کی مہلت مانگی۔

تفتیشی افسر نے بتایا کہ کمپنی کے شئیر ہولڈرز سے متعلق بھی تفتیش جاری ہے اور شئیر ہولڈرز کے تعین کے بعد مونس الہٰی کو دوبارہ طلب کیا جائے گا ۔47 فیصد ریکارڈ آچکا ہے جس کا ابھی فرانزک ہونا ہے۔

عدالت نے تفتیشی افسر سے استفسار کیا کہ آپ وقت ضائع کیوں کررہے ہو؟ جس پر آئی او نے کہا کہ مختلف افراد سے ریکارڈ طلب کیا ہے جس کے بعد تفتیش مکمل ہوجائے گی۔

تفتیشی افسر کا مزید کہنا تھا کہ47فیصد ریکارڈ موصول ہوچکا ہے، عدالت نے تفتیشی افسر کو تفتیش مکمل کرنے کی ہدایت کرتے ہوئے سماعت آئندہ تاریخ تک ملتوی کردی۔

یاد رہے کہ ایف آئی اے نے منی لانڈرنگ کے الزامات پر مونس الٰہی سمیت دیگر کے خلاف 24 ارب روپےکی منی لانڈرنگ کا مقدمہ درج کررکھا ہے۔

Comments

- Advertisement -
عابد خان
عابد خان
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں