The news is by your side.

Advertisement

منی لانڈرنگ کیس : شہباز شریف کی عدم حاضری کی درخواست پر فیصلہ جاری

لاہور : منی لانڈرنگ کیس میں آج کی کارروائی کے بعد لاہور کے اسپیشل جج سینٹرل نے تحریری فیصلہ جاری کردیا، سماعت 21 مئی تک ملتوی کردی گئی۔

تحریری فیصلے میں کہا گیا ہے کہ شہباز شریف کی جانب سے حاضری معافی کی درخواست جمع کرائی گئی، شہباز شریف کے وکیل نے بتایا کہ ان کے یو کے میں اہم معاملات ہیں۔

فیصلے کے مطابق13مئی کو شہباز شریف نے واپس آکرعدالت میں پیش ہونا تھا، وکیل نے بتایا کہ ڈاکٹر سے اپائنٹمنٹ کے باعث شہنٓباز شریف یوکے میں ہی ہیں۔

تحریری فیصلے میں کہا گیا ہے کہ شہباز شریف کو بطور وزیراعظم یو اے ای کے صدر کی تعزیت کے لیے جانا ہے، شہباز شریف کی حاضری معافی کی پراسیکیوٹر نے بھی مخالفت نہیں کی۔

فیصلہ میں بتایا گیا ہے کہ شہباز شریف کی ایک روزہ حاضری معافی کی درخواست منظور کی جاتی ہے، اسپیشل پراسیکیوٹر فاروق باجوہ نے بتایا کہ ان کی تعیناتی حال میں ہی ہوئی ہے۔

عدالت کا کہنا ہے کہ اسپیشل پراسیکیوٹر نے کیس کی تیاری کے لیے مہلت طلب کی ہے، بعد ازاں عدالت نے کیس کی سماعت 21 مئی تک ملتوی کردی۔

Comments

یہ بھی پڑھیں