لاہور : مسلم لیگ ق کے رہنما چوہدری مونس الٰہی نے اسمبلیوں کی تحلیل سےمتعلق تمام ابہام ختم کرتے ہوئے دو ٹوک کہا کہ عمران خان جو کہیں گے وہ ہوگا، یہ اٹل ہے۔
تفصیلات کے مطابق مسلم لیگ ق کے رہنما چوہدری مونس الٰہی سے وی لاگرز نے وزیر اعلیٰ ہاؤس میں ملاقات کی ، ملاقات میں
چوہدری مونس الٰہی نے اسمبلیوں کی تحلیل سےمتعلق تمام ابہام ختم کر دیے۔
مونس الٰہی کا کہنا تھا کہ عمران خان جو کہیں گے وہ ہوگا، یہ اٹل ہے، کبھی کوئی ایسا عمل نہیں کیا جس سےعمران خان کی سیاست اور عزت پر فرق آئے۔
مسلم لیگ ق کے رہنما نے کہا کہ الیکشن کے مطالبے پر کوئی کمپرومائز نہیں ہوگا، مستقبل میں پی ٹی آئی کےساتھ رہناچاہتےہیں لیکن ان کے کچھ لوگ شاید نہیں چاہتے۔
انھوں نے بتایا کہ نیشنل ہاکی اسٹیڈیم کے جلسے کے بعد والدکی رائے کوتبدیل پایا، والدصاحب عمران خان کےساتھ دیرپاچلنا چاہتے ہیں، حسین الٰہی اور میرے ساتھ مشاورت سے والد فیصلے کرتے ہیں۔
مونس الٰہی نے کہا کہ ماموں شجاعت سے اس دن سے نہیں ملا جس دن اسمبلی سےملاقات کیلئےروانہ ہوا تھا، چوہدری شجاعت اورچوہدری پرویز الٰہی کارابطہ بحال ہواہے۔
ق لیگی رہنما کا کہنا تھا کہ چوہدری مونس الٰہی عمران خان ہمارے محسن ہیں اور ہمارا خاندان محسن کش نہیں، چوہدری پرویز الٰہی کوگرفتار کرنےکا منصوبہ تیار گیاتھا، موجودہ سیاسی صورتحال میں الیکشن ہی واحد حل ہے۔
