The news is by your side.

‘عمران خان کی بڑھتی مقبولیت سے مخالفین کی نیندیں حرام’

لاہور : سابق وفاقی وزیر مونس الٰہی کا کہنا ہے کہ عمران خان کی بڑھتی مقبولیت سے مخالفین کی نیندیں حرام ہیں۔

تفصیلات کے مطابق سابق وفاقی وزیر مونس الٰہی نے میڈیا سے گفتگو کرتے ہوئے کہا ہے کہ گجرات کے عوام کپتان کا شدت سے انتظار کر رہے ہیں۔

مونس الٰہی کا کہنا تھا کہ گجرات کے عوام آج عمران خان پر اپنے بھرپور اعتماد کا اظہار کریں گے، انشااللہ آج کا جلسہ تابوت میں آخری کیل ثابت ہوگا۔

سابق وفاقی وزیر نے کہا کہ عمران خان کی بڑھتی مقبولیت سے مخالفین کی نیندیں حرام ہیں، حکومت اور اس کے ترجمان بوکھلاہٹ کا شکار ہیں لیکن عمران خان حکومت کے اوچھے ہتھکنڈوں سے گھبرانے والے نہیں۔

خیال رہے پاکستان تحریک انصاف آج گجرات میں عوامی طاقت کامظاہرہ کرے گی، ظہورالہی اسٹیڈیم میں جلسے کی تیاریاں مکمل کرلی گئیں ہیں۔

چئیرمین پی ٹی آئی عمران خان آج شام کارکنان سے خطاب کریں گے۔

Comments

یہ بھی پڑھیں