مسلم لیگ ق کے رہنما مونس الٰہی کا کہنا ہے کہ عمران خان نے جس دن کہا پنجاب اسمبلی توڑ دیں گے۔
اے آر وائی نیوز کے مطابق وزیراعلیٰ پنجاب پرویز الٰہی کے صاحبزادے مونس الہیٰ نے ٹویٹر پر لکھا کہ ’27 جولائی کو اللہ نے ہمیں سرخرو کیا اور پرویز الٰہی کو وزیراعلیٰ بنایا اس دن کے بعد سے ہم بونس پر چل رہے ہیں اور اپنے وعدے پر قائم ہیں۔
انہوں نے کہا کہ جس دن وزیراعظم عمران خان نے کہا اسی دن پنجاب اسمبلی توڑ دی جائے گی۔
27 جولائی کو اللہ پاک نے ہمیں سرخرو کیا تھا اور @ChParvezElahi کو سی ایم بنایا تھا۔ اس دن کے بعد سے ہم بونس پہ چل رہے ہیں ۔ہم اپنے وعدے پہ قائم ہیں۔ جس دن PM @ImranKhanPTI نے کہا اسی وقت انشاءاللہ پنجاب اسمبلی توڑ دی جائے گی۔
— Moonis Elahi (@MoonisElahi6) November 26, 2022
واضح رہے کہ اس سے قبل چیئرمین پی ٹی آئی وزیراعظم عمران خان نے راولپنڈی جلسے میں تمام صوبائی اسمبلیاں تحلیل کرنے کا فیصلہ کیا تھا۔
مزید پڑھیں: عمران خان کا تمام اسمبلیوں سے نکلنے کا فیصلہ
ان کا کہنا تھا کہ پارلیمنٹری پارٹی سے مشاورت کے بعد تاریخ کا اعلان کریں گے۔
عمران خان کا کہنا تھا کہ مارچ کینسل نہ کرتا تو اگلے دن تباہی ہونا تھی اسی لیے یہ فیصلہ کیا ہے کہ ملک میں تباہی مچانے سے بہتر ہے ہم اس نظام کا حصہ نہ رہیں۔
ان کا کہنا تھا کہ ملک میں انتشار نہیں چاہتے پُرامن احتجاج پر یقین رکھتے ہیں ملکی معیشت بچانے کے لیے فوری الیکشن ناگزیر ہیں جب معیشت تباہ ہوتی ہے تو قومی سلامتی بھی متاثر ہوتی ہے۔