کراچی : محکمہ موسمیات کا کہنا ہے کہ کراچی شہر میں مون سون تھنڈر سیل ایکٹیو ہیں ، جس کے باعث بارش کا سلسلہ جاری رہے گا، بارش کے بعد درجہ حرارت 5ڈگری گرگیا ہے۔
تفصیلات کے مطابق محکمہ موسمیات نے کراچی میں موسم کی صورتحال کے حوالے سے بتایا ہے کہ شہر میں مون سون تھنڈر سیل ایکٹیو ہیں ، جس کے باعث وقفہ وقفہ سے بارش کا سلسلہ جاری رہے گا، مختلف علاقوں میں کہیں ہلکی کہیں تیز بارش کا امکان ہے۔
کراچی میں 48سے50 کلومیٹر کی رفتار سے گرد آلود ہوائیں ریکارڈ کی گئیں ، نئے نصب ریڈارمون سون ،گرد آلود ہواؤں کی پیشگوئی میں مددگارثابت ہورہا ہے۔
بارش کے باعظ کراچی کادرجہ حرارت 5ڈگری گرگیا اور موجود درجہ حرارت28ڈگری ہے جبکہ اسوقت ہوا میں نمی کا تناسب 75 فیصد ہے۔
دوسری جانب کراچی میں تیز بارش کا سلسلہ جاری ہے ، ضلع وسطی کی سڑکیں ڈوب گئیں اور ناگن چورنگی کےپاس قائم چھوٹانالہ اوور فلو ہوگیا ، جس کی وجہ سے آمدورفت میں مشکلات کا سامنا ہے اور ٹریفک کی روانی متاثر ہے جبکہ شاہ فیصل اوراطراف میں آدھےگھنٹےسے موسلادھار بارش جاری ہے۔
محکمہ موسمیات نے مختلف علاقوں میں آج ہونیوالی بارش کے اعدادوشمار جاری کردیئے، جس کے مطابق کراچی میں سب سے زیادہ سعدی ٹاؤن میں41.2ملی میٹر بارش ریکارڈ کی گئی۔
محکمہ موسمیات کے مطابق یونیورسٹی روڈ پر 33ملی میٹر ،نارتھ کراچی میں 28.2بارش ، ایئرپورٹ اولڈایریاپر15.5،جناح ٹرمینل پر17.8ملی میٹر بارش ، فیصل بیس پر 16.8،بیس مسرور پر16.0ملی میٹر بارش، سرجانی میں 17.6،کیماری میں 12.7 ملی میٹر بارش ریکارڈ ہوئی۔
