ٹوکیو: جاپان میں ریچھوں اور دیگر جانوروں کو گھروں اور فصلوں سے دور رکھنے کے لیے روبوٹک عفریت بھیڑیوں کی مدد لی جارہی ہے۔
مقامی میڈیا رپورٹ کے مطابق جاپان کے اس قصبے ٹاکیکاوا میں ریچھ اکثر خوراک کی تلاش میں آجاتے ہیں اور رہائشی علاقوں میں کچرا دانوں کو الٹ پلٹ دیتے ہیں۔
ان ریچھوں سے تنگ رہائشیوں نے پہلے تو ریچھوں کو پکڑنے کے لیے شکاریوں کی مدد حاصل کی، تاہم مسئلہ حل نہیں ہوسکا۔ اب وہاں کے رہائشیوں نے منفرد حل نکالا ہے اور وہ ہے روبوٹک عفریت بھیڑیے۔
クマ撃退にオオカミの形の装置 北海道 滝川市が本格導入検討https://t.co/QdqdoLdTOE#nhk_video pic.twitter.com/c4gMFdFmKs
— NHKニュース (@nhk_news) October 19, 2020
ان روبوٹک بھیڑیوں کو مونسٹر وولف کا نام دیا گیا ہے جو انفراریڈ سنسرز سے لیس ہیں، سنسرز کسی ریچھ یا دیگر جانوروں کو علاقے میں آنے پر شناخت کرتے ہیں۔
یہ سنسرز جب کسی ریچھ یا جانور کو دیکھتے ہیں تو اس عفریت کا سر حرکت کرتا ہے اور اس کی ایل ای ڈی والی سرخ آنکھیں جگمگانے لگتی ہیں۔
種苗交換会の農機具とか見に来てるんだけど、おもしろいの見つけた‼️
野生動物撃退装置「モンスターウルフ」だって❗️#種苗交換会#野生動物撃退 pic.twitter.com/YsNPa16kcO— TAKARA (@fantasticB_XYZ) November 4, 2018
【動画あり】オオカミ型ロボット「モンスターウルフ」 効果が証明され本格導入へ 設置中の食害はゼロhttps://t.co/QNrPW9V4jl
想像以上に怖かった…(；ﾟДﾟ) pic.twitter.com/bMGzSFNElJ
— sakamobi.com (@sakamobi) March 21, 2018
روبوٹ کے اندر نصب اسپیکرز سے مختلف اقسام کی بلند آوازیں خارج ہوتی ہیں جیسے بھیڑیے کی غراہٹ، گولیاں چلنے کی آواز اور انسانی آوازیں، جو جانوروں کو خوفزدہ کر کے بھاگنے پر مجبور کردیتی ہیں۔
صرف ایک اسی قصبے میں نہیں پورے جاپان کے 62 علاقوں میں کسی نہ کسی قسم کے روبوٹک مونسٹرز کا استعمال کیا جارہا ہے تاکہ جانوروں کو گھروں سے دور رکھا جاسکے۔
