اسلام آباد : عالمی ریٹنگ ایجنسی موڈیز نے خبردار کیا ہے کہ آئی ایم ایف پروگرام بحالی میں ناکامی سے پاکستان ڈیفالٹ کے قریب پہنچ گیا ہے۔
تفصیلات کے مطابق عالمی ریٹنگ ایجنسی موڈیز کے تجزیہ کار نے بلومبرگ پر بیان میں کہا ہے کہ پاکستان کیلئے ڈیفالٹ کا خطرہ بڑھتا جا رہا ہے، آئی ایم ایف کے سات 6.7 ارب ڈالر بیل آوٹ پروگرام دوبارہ شروع ہوتا نظر نہیں آتا۔
تجزیہ کار کا کہنا تھا کہ پاکستان آئی ایم ایف کے ساتھ چھ ارب ستر کروڑ ڈالربیل آؤٹ پروگرام کی بحالی میں ناکامی کے خطرے سے دوچار ہے۔
موڈیز نے امریکی نیوزایجنسی بلومبرگ کو بتایا کہ پاکستان آئی ایم ایف کا پروگرام جون تک مکمل نہیں کرسکے گا، پاکستان اپنی آئی ایم ایف پروگرام کو جاری رکھنے کی آخری کوشش کر رہا ہے۔
عالمی ریٹنگ ایجنسی کا مزید کہنا تھا کہ پاکستان کو دو ارب ڈالرکی فنانسنگ گیپ اور ایکسچینج ریٹ معاہدے میں بڑی رکاوٹیں ہیں۔
