انٹرنیشنل ریٹنگ ایجنسی موڈیز نے پیش گوئی کی ہے پاکستان کا بجٹ آئی ایم ایف قرض پروگرام مذاکرات میں مددگار ہوگا۔
تفصیلات کے مطابق انٹرنیشنل ریٹنگ ایجنسی موڈیز نے پاکستانی بجٹ پر تبصرہ کرتے ہوئے کہا پاکستان کا بجٹ آئی ایم ایف کے ساتھ قرض پروگرام کیلئے مذاکرات میں مددگار ثابت ہوگا۔.
انٹرنیشنل ریٹنگ ایجنسی کا کہنا تھا کہ شرح نموکا ہدف 3.6فیصد رکھ کرآئی ایم ایف کوخوش کرنےکی کوشش کی گئی۔
ریٹنگ ایجنسی نے کہا کہ مالی استحکام کیلئے ٹیکسوں میں اضافے اور شرح نمو پر انحصار کیا گیا، آدھے سے زیادہ ریونیو سود کی ادائیگی پرخرچ ہوگا۔
رپورٹ میں مزید کہنا تھا کہ اصلاحات پر قائم رہناہی بجٹ اہداف کے حصول کے لیے اہم ہوگا، حکومت کے پاس مضبوط الیکٹورل مینڈیٹ نہ ہونے سے اصلاحات مشکل ہونگی۔
ریٹنگ ایجنسی نے خبردار کیا ملک میں مہنگائی کی وجہ سے سماجی تناؤدوبارہ پیدا ہوسکتا ہے اور اصلاحات کے پروگرام پربھی اثر ہوسکتا ہے۔
ریونیو میں 40فیصد اضافہ ٹیکسز میں اضافے کی وجہ سےہے، پاکستان نےتوانائی شعبے میں اصلاحات کیلئے 1.4ٹریلین روپے سبسڈی رکھے ہیں۔
