جدہ : سعودی محکمہ فلکیات نے بتایا ہے کہ جمعہ 5 جون کو رواں سال کا دوسرا چاند گرہن ہوگا اور رواں سال چاند گرہن چار بار ہوگا۔
تفصیلات کے مطابق فلکیاتی انجمن کے سربراہ انجینیئر ماجد ابو زھرہ نے ذرائع ابلاغ کو بتایا ہے کہ سعودی عرب میں5جون بروز جمعہ 13شوال کو سال کا دوسرا چاند گرہن نظر آئے گا جو تین گھنٹے 15 منٹ تک جاری رہے گا۔
سعودی ذرائع ابلاغ کے مطابق ابو زاھرۃ نے بتایا ہے کہ یہ چاند گرہن سایہ نما ہوگا یعنی جب رات کے وقت چاند کی روشنی مدھم پڑجاتی ہے اور اس کا بڑا حصہ سورج کی روشنی سے منور ہوتا ہے تو یہ (سایہ نما چاند گرہن) کہلاتا ہے۔
یہ واقعہ اس وقت جنم لیتا ہے جب چاند کرہ ارض کے مدار میں قریب ترین پوائنٹ پر ہوتا ہے جس سے چاند کا حجم اس کے حقیقی اوسط حجم سے 3.3 فیصد بڑا نظر آتا ہے۔
مزید پڑھیں : سورج اور چاند گرہن کیوں ہوتا ہے؟
یاد رہے کہ سایہ نما چاند گرہن کے دو ہفتے بعد 21 جون 29 شوال کی صبح کو سعودی عرب سمیت پوری عرب دنیا میں سورج گرہن ہوگا۔
