تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

چاند خانہ کعبہ کے بالکل اوپر ہوگا، لیکن کب؟

ریاض: جدہ کی فلکیاتی سوسائٹی کا کہنا ہے کہ جمعرات کے روز چاند خانہ کعبہ کے بالکل اوپر ہوگا، اس سے قبلے کا رخ متعین کرنے میں آسانی ہوگی۔

سعودی ویب سائٹ کے مطابق جدہ میں فلکیاتی علوم کی سوسائٹی نے بتایا ہے کہ 7 رمضان جمعرات 30 اپریل کو چاند خانہ کعبہ کے اوپر ہوگا اور مملکت بھر میں کسی دوربین کے بغیر دیکھا جاسکے گا۔

جدہ فلکیاتی سوسائٹی کے سربراہ ماجد ابو زاہرہ نے اپنے فیس بک صفحے پر کہا ہے کہ چاند رات کو گیارہ بج کر 39 منٹ پر مکہ مکرمہ کے افق پر نظر آئے گا۔

انہوں نے بتایا کہ جس وقت چاند خانہ کعبہ کے اوپر ہوگا اس وقت وہ 895151 ڈگری کی اونچائی پر ہوگا، چاند 47.8 فیصد روشن ہوگا اور سورج سے 3 لاکھ 87 ہزار 154 کلو میٹر کے فاصلے پر ہوگا۔

ابو زاہرہ نے مزید کہا کہ چاند کے خانہ کعبہ کے اوپر نظر آنے کا واقعہ ستاروں اور سیاروں کی گردش سے متعلق ماہرین فلکیات کے دقیق ترین حساب کا پتہ دیتا ہے۔ اس سے اندازہ ہوتا ہے کہ ماہرین چاند سمیت تمام ستاروں اور سیاروں کے محل وقوع کی نشاندہی دقیق ترین شکل میں کر رہے ہیں۔

ابو زاہرہ نے مزید کہا کہ چاند کے خانہ کعبہ کے اوپر نظر آنے کی مدد سے قبلے کا رخ آسانی سے متعین کیا جاسکتا ہے۔

دور دراز ممالک کے باشندے اس وقت خانہ کعبہ کی طرف قبلے کا رخ ہونے یا نہ ہونے کا پتہ آسانی سے لگا سکتے ہیں، ماضی میں دنیا بھر کے لوگ اسی طرح قبلے کا رخ متعین کیا کرتے تھے۔

یاد رہے کہ ا س سال چاند خانہ کعبہ پر دوسری مرتبہ نظر آئے گا اس سے قبل 6 مارچ 2020 کو چاند اس پوزیشن پر آیا تھا۔

Comments

- Advertisement -