پاکستان مسلم لیگ ق کے رہنما اور رکن قومی اسمبلی مونس الہٰی نے کہا ہے کہ پرویز الٰہی کو حلف لیے 24 گھنٹے نہیں ہوئے آپ کی ہوائیاں اڑ گئیں۔
پاکستان مسلم لیگ ق کے رہنما اور رکن قومی اسمبلی مونس الہٰی نے وفاقی وزیر داخلہ رانا ثنا اللہ کی جانب سے پنجاب میں گورنر راج کے نفاذ کی دھکمی پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
مونس الہٰی نے اس حوالے سے اپنے ایک ٹوئٹ میں کہا ہے کہ پرویز الٰہی کو حلف لیے 24 گھنٹے نہیں ہوئے آپ کی ہوائیاں اڑ گئیں۔ گورنر راج کے بارے میں احمقانہ بیان دینے سے پہلے آئین پڑھ لیں۔
ق لیگی رہنما نے مزید لکھا ہے کہ ابھی تو ماڈل ٹاؤن میں جو قتل عام آپ نے کیا تھا اس کا حساب دینا ہے۔
راناصاحب @RanaSanaullahPK 24 گھنٹے بھی نہیں ہوئے @chparvezelahi کو حلف لیے اور آپ کی ہوائیاں پہلے ہی اڑ گئی ہیں۔ گورنر رُول کے بارے میں احمقانہ بیان دینے سے پہلے آئین پڑھ لیں ۔ ابھی تو ماڈل ٹاؤن میں جو قتل عام آپ نے کیا تھا اس کا حساب دینا ہے ۔
— Moonis Elahi (@MoonisElahi6) July 27, 2022
