ویڈیو رپورٹ: ذیشان خاصخیلی
مورچنگ سندھ کا تاریخی ثقافتی ساز ہے!
اس ساز کو چرواہون کا ساتھی بھی کہا جاتا ہے، کیوں کہ بکریاں چرانے والے اس ساز کو فرصت میں بڑے شوق سے بجاتے تھے۔ ٹنڈو محمد خان کے پس ماندہ علاقے سے تعلق رکھنے والا حاکم سولنگی مورچنگ ساز پر عبور رکھتا ہے، جو گزشتہ 30 سالوں سے اس ساز پر اپنے فن کا مظاہرہ کئی شہروں میں کر چکا ہے۔
انگلیوں کی مدد سے لوہے کو منہ میں اندر رکھ کر سانسوں سے موسیقی کی خوب صورت دھن نکالنے والا یہ البیلا فنکار ثقافتی ساز مورچنگ کو زندہ رکھتا آ رہا ہے۔ مور چنگ ساز کو بیرون ملک میں بھی سراہا گیا، مگر اب اس ساز کو بجانے والے گنتی کے لوگ رہ گئے ہیں۔
