The news is by your side.

Advertisement

چین سے مزید امدادی اور خریدا گیا سامان پہنچ گیا

کراچی: پی آئی اے کا خصوصی طیارہ چین سے امدادی سامان لے کر پاکستان پہنچ گیا، این ڈی ایم اے کی جانب سے خریدے گئے سامان کی کھیپ بھی چین سے اسلام آباد پہنچ گئی ہے۔

اے آر وائی نیوز کے مطابق چین سے کرونا وائرس کی وبا سے نمٹنے کے لیے مزید امدادی سامان پہنچ گیا، پرواز پی کے 8852 آج امدادی سامان لے کر بیجنگ سے اسلام آباد ایئر پورٹ پہنچی۔ امدادی سامان میں وینٹی لیٹرز، ماسک، حفاظتی لباس اور ٹیسٹنگ کٹس شامل ہیں۔ پی آئی اے کا ایک طیارہ چند روز قبل بھی چین سے امدادی سامان لے کر پہنچا تھا، قومی ایئر لائن کے ترجمان عبد اللہ خان نے کہا کہ پی آئی اے مشکل کی گھڑی میں قوم کے ساتھ ہے۔

دوسری طرف این ڈی ایم اے کی جانب سے بھی خریدے گئے سامان کی کھیپ اسلام آباد پہنچ گئی ہے، چین سے خریدے گئے سامان میں 2000 ٹیسٹنگ کٹس، 50 موبائل ایکسرے مشین، ایک لاکھ این 95 ماسک، 5 لاکھ میڈیکل ماسک، 10 ہزار سرجیکل گاؤن، اسکریننگ کٹس اور وینٹی لیٹرز شامل ہیں، یہ سامان 50 بلین کی امدادی رقوم سے خریدا گیا ہے۔

پی آئی اے کی پرواز سے چین سے آج اسلام آباد پہنچنے والا امدادی سامان اتارا جا رہا ہے

خیال رہے کہ ملک میں کرونا وائرس سے اموات کی تعداد 66 ہو چکی ہے جب کہ مریضوں کی مجموعی تعداد بھی بڑھ کر 4601 ہو چکی ہے۔ کمانڈ اینڈ آپریشن سینٹر کے اعداد و شمار کے مطابق گزشتہ چوبیس گھنٹوں میں ملک میں مزید 4 کرونا مریض انتقال کر گئے ہیں۔

پنجاب میں 2279، سندھ میں 1128 کیس رپورٹ ہو چکے ہیں، کے پی میں 620، بلوچستان میں 219 کیس رپورٹ ہوئے، گلگت بلتستان میں 215 اور آزاد کشمیر میں 33 کیس رپورٹ ہوئے، وفاقی دارالحکومت میں کرونا وائرس کے 107 کیس رپورٹ ہو چکے ہیں۔

fb-share-icon0
Tweet 20

Comments

comments

یہ بھی پڑھیں