راولپنڈی : این سی اوسی نے ایس اوپیزپرعملدرآمد نہ کرنے پر 200سے زائد وین اور بسوں پر جرمانے عائد کردیے جبکہ کچھ ڈرائیورز کیخلاف ایف آئی آر بھی درج کرلی۔
تفصیلات کے مطابق این سی اوسی اور آرٹی اے راولپنڈی نے ایس اوپیز کی خلاف ورزی پر کارروائیاں کیں اور ایس اوپیزپرعملدرآمد نہ کرنے پر 200سے زائد وین اور بسوں پر جرمانے عائد کردیے۔
این سی اوسی کا کہنا ہے کہ خلاف ورزی پرکچھ ڈرائیورز کیخلاف ایف آئی آر بھی درج کرلی گئی جبکہ بغیرویکسین بعض مسافروں کو سنگل ڈوز کین سائنو ویکسین بھی لگا دی گئی ہے۔
نیشنل کمانڈ اینڈ آپریشن کے مطابق میٹروبس راولپنڈی عملے اور مسافروں کےویکسین سرٹیفکیٹ چیک کیےگئے، میٹروبس کے تمام عملے کے ویکسینیشن سرٹیفکیٹ موجود تھے، مہدایت کے مطابق میٹروبس کاعملہ صرف ویکسینیٹڈ مسافروں کو سہولت دےرہاہے ۔
حکام کا کہنا تھا کہ میٹرو بس میں سفر کیلئے آنیوالے بغیرویکسین مسافروں کو بھی موقع پرویکسین لگائی گئی ، میٹرو بس میں سفر کرنیوالے تمام مسافروں کے پاس ویکسینیٹڈ سرٹیفکیٹ موجود تھا ، راولپنڈی میں آن لائن بائیک سروس عملےکی بھی چیکنگ کی گئی۔
