اسلام آباد: انسداد پولیو ٹیکہ ویکسین کو معمول کی حفاظتی ٹیکہ جات کے شیڈول میں باقاعدہ طور پر شامل کر دیا گیا ۔
اسلام آباد میں ویکسین متعارف کرانے کی تقریب کے دوران وزیر مملکت کا کہنا تھا کہ ویکسین سے پولیو وائرس کے پھیلاؤ پر قابو پانے کی کوششوں میں اضافہ ہوگا۔سائرہ افضل تارڑ کا کہنا تھا کہ انسداد پولیو کے حوالے سے حاصل ہونے والی کا میابیوں کو پائیدار بنانے کے لیے معمول کے حفاظتی ٹیکہ جات لگانے پر بھر پور توجہ دینا ہوگی۔
تقریب سے خطاب میں ڈی جی صحت ڈاکٹر اسد حفیظ نے کہا کہ ٹیکہ ویکسین بچوں کو زندگیاں بچانے والی دیگر ویکسینز کے ساتھ 14 ہفتوں کی عمر پر لگائی جائے گی ۔
وزیر مملکت قومی صحت سائرہ افضل تارڑ کہتی ہیں کہ ویکسین ملک کو پولیو سے پاک کرنے کی جانب ایک اور پیش قدمی ہے، انکا کہنا تھا کہ ہر سال چالیس لاکھ سے زائد بچوں کو پولیو ٹیکہ ویکسین دی جائے گی۔
