The news is by your side.

Advertisement

سندھ میں لاک ڈاؤن کے مثبت اثرات، 24گھنٹے میں 50سے زائد کورونا کے مریض صحت یاب

کراچی : سندھ میں24گھنٹےمیں50سےزائدافرادصحت یاب ہوگئے، ذرائع کا کہنا ہے کہ سندھ حکومت نےلاک ڈاؤن کو مزید بہتر کرنے پر غورشروع کردیا ہے۔

تفصیلات کے مطابق سندھ میں لاک ڈاؤن کےمثبت اثرات آناشروع ہوگئےسندھ حکومت کی جانب سے بیان میں کہاگیا ہے کہ سندھ میں 24 گھنٹے میں 50سے زائد افراد صحت یاب ہوگئے۔

ذرائع کا کہنا ہے کہ سندھ حکومت نےلاک ڈاؤن کومزیدبہترکرنےپرغورشروع کردیا، وزیراعلیٰ ہاؤس میں اجلاس بلاکرسب کواعتمادمیں لیا جائے گا، ماہرڈاکٹرز،متعلقہ اداروں کےذمہ داران کولائحہ عمل پراعتمادمیں لیاجائےگا۔

یاد رہے وزیراعلیٰ سندھ سید مراد علی شاہ نے سندھ میں کوروناوائرس کے92نئےکیسز رپورٹ ہونے کی تصدیق کی تھی، جس کے بعد صوبےمیں مجموعی تعداد1188ہوگئی جبکہ 349افراد صحتیاب ہوچکے ہیں، جو متاثرہ افراد کا31 فیصد ہے۔

ان کا کہنا تھا کہ 24 گھنٹےمیں ایک موت ہوئی ،اموات کی تعداد 21 ہوگئی ،کورونا کے سبب مرنےوالوں کی شرح 1.8 فیصدہے۔

مراعلی شاہ نے کہا تھا کہ لاک ڈاؤن ختم ہوگاتو زندگی نئےاصولوں کےساتھ شروع ہوگی،عوام کواپنی اور اپنےخاندان کی صحت کابھرپور خیال رکھنا ہوگا۔

fb-share-icon0
Tweet 20

Comments

comments

یہ بھی پڑھیں