لاہور: کوٹ لکھپت جیل میں زینب قتل کیس کی سماعت دوبارہ آج ہوگی جہاں مزید گواہان کے بیانات قلمبند کیے جائیں گے۔
تفصیلات کے مطابق کوٹ لکھپت جیل میں انسداد دہشت گردی عدالت میں زینب قتل کیس کی سماعت آج دوبارہ ہوگی، عدالت نے آج مزید گواہان کو طلب کر رکھا ہے۔
انسداد دہشت گردی عدالت میں گزشتہ روز سماعت کے دوران استغاثہ کے 20 گواہان کے بیانات قلمبند کیے گئے تھے۔
ننھی زینب کے قاتل عمران پر فرد جرم عائد
سماعت کے بعد انسداد دہشت گردی عدالت کے جج سجاد احمد نے ملزم عمران پر فرد جرم عائد کرتے ہوئے پراسیکیوشن کی جانب سے تمام گواہوں کو 13 جنوری کو طلب کیا تھا۔
انسدادِ دہشت گردی عدالت نے 9 فروری کو زینب سمیت آٹھ کمسن بچیوں سے زیادتی اور قتل کے ملزم عمران علی کو جوڈیشل ریمانڈ پرجیل بھجوا دیا تھا۔
سپریم کورٹ نے 10 فروری کو زینب قتل کیس پر لیا گیا ازخود نوٹس آئی جی پنجاب پولیس کی جانب سے جمع کرائی جانے والی رپورٹ کے بعد نمٹا دیا تھا۔
یاد رہے کہ 25 جنوری کو چیف جسٹس لاہور ہائی کورٹ نے زینب قتل کیس کی روزانہ کی بنیاد پر سماعت کرنے اور چالان پیش ہونے کے بعد سات روز میں مقدمہ کا فیصلہ سنانے کا حکم دیا تھا۔
