ریاض : مراکش سے تعلق غلام یاسین نے مدینے کی محبت دل میں لیے 37 ہزار کلومیٹر کی مسافت سائیکل پر طے کرلی۔
تفصیلات کے مطابق مراکش کے سائیکلسٹ غلام یاسین 28 ممالک کا سفر کرنے کے بعد مدینہ پہنچ گئے، انہوں نے مدینہ پہنچنے کےلیے افریقہ اور ایشیا کے 28 ممالک کے سفر کے دوران 37 ہزار کلومیٹر کا فاصلہ طے کیا ہے۔
عرب میڈیا کا کہنا ہے کہ غلام یاسین تبوک کی سرحدی چوکی سے سعودی عرب میں داخل ہوئے تھے اور مدینہ پہنچنے پر حکام کی جانب سے ان کا استقبال کیا گیا۔
اس موقع پر اظہار مسرت کرتے ہوئے غلام یاسین کا کہنا تھا کہ وہ سائیکل پر اس طویل سفر کے بعد دنیا کو پیغام دینا چاہتے ہیں کہ انسان میں عزم و ہمت کے لامحدود ذخائر موجود ہیں اور وہ ہمت سے کام لے تو ہر مشکل کو آسان بنا سکتا ہے۔
انہوں نے کہا کہ اس طویل سفر کے دوران مختلف تہذیبوں اور ثقافتوں کا قریب سے مشاہدہ کرنے کا موقع ملا۔
لحظة وصول الرحالة المغربي غلام ياسين ( #مغربي_على_الطريق )إلى محافظة بدر اليوم قادماً من محافظة ينبع #محافظة_بدر pic.twitter.com/R0gNeSvmSN
— محافظة بدر (@badrprovince) December 15, 2019
غلام یاسین نے کہا کہ پہلی مرتبہ سعودی عرب کے سیاحتی اور تاریخی مقامات دیکھ کر انتہائی خوشی ہورہی ہے، اللہ نے اس مقدس سرزمین کو فطری حسن سے مالا مال کیا ہے۔
عرب خبر رساں ادارے کے مطابق غلام یاسین سعودی عرب کے مختلف شہروں کا دورہ کرنے کا ارادہ رکھتے ہیں۔
