مراکش میں شدید بارشوں کے باعث عوام کو سیلابی صورتحال کا سامنا ہے، مختلف حادثات میں 11 افراد لقمہ بن چکے ہیں جبکہ متعدد لاپتہ ہیں۔
بین الاقوامی خبر رساں ادارے کی رپورٹ کے مطابق حکام کا اس حوالے سے کہنا ہے کہ سیلاب سے مختلف حادثات میں 11 افراد ہلاک ہوئے اور 9 لاپتا ہیں۔
حکام نے بتایا کہ سیلابی ریلوں سے درجنوں مکانات کو نقصان پہنچا ہے جبکہ 90 سے زیادہ شاہراہیں تباہ ہوچکی ہیں، محکمہ موسمیات نے خراب موسمی حالات کے پیش نظر حد نظر متاثر ہونے سے بھی خبردار کیا ہے۔
جنوبی مراکش کے صوبے ٹاٹا، ٹزنیٹ اور ایراکیڈیا کے سیلاب سے متاثرہ قصبوں میں بجلی، پانی اور مواصلات کا نظام بھی شدید متاثر ہوا ہے، حکام نے ہائی ویز پر سفر کرنے والے ڈرائیورز کو خراب موسم میں احتیاط برتنے کا کہا ہے۔
ندی میں کار کی چھت پر دو گھنٹے گزارنے والے جوڑے کی ویڈیو وائرل
محکمہ موسمیات کی جانب سے الرٹ جاری کیا گیا ہے کہ ملک کے مختلف حصوں میں تیز طوفانی برساتیں چند روز تک جاری رہیں گی۔
