گوگل نے 2022 میں سب سے زیادہ تلاش کیے جانے والے ہالی ووڈ اسٹار کی فہرست جاری کردی۔
گزشتہ سال کی طرح امسال بھی گوگل کی جانب سے ماہ دسمبر میں زیادہ تلاش کی جانے والی معروف شخصیات کی فہرست جاری کی گئی ہے جن میں اداکاروں کے تنازعات، ہٹ فلمیں اور افیئرز شامل ہیں۔
آئیے دیکھتے ہیں کہ وہ کون سے ہالی ووڈ اداکار یا اداکارہ ہیں جن کے بارے میں جاننے کے لیے انٹرنیٹ صارفین کی بے چین دکھائی دیے۔
ول اسمتھ
رواں سال 27 مارچ کو ڈولبی تھیٹر ہالی ووڈ کیلیفورنیا میں ہونے والی 94ویں اکیڈمی ایوارڈ تقریب کے دوران ول اسمتھ نے اسٹیج پر ہوسٹنگ کرنے والے کرس راک کو تھپڑ مار دیا تھا۔
راک نے ول اسمتھ کی اہلیہ کے سر کے بال گرنے کے حوالے سے چند تمسخرانا جملے کہے تھے، جس کے بعد وہ اپنے غصے پر قابو نہیں رکھ سکے، بعد ازاں اکیڈمی نے ان پر پابندی لگادی تھی۔
ٹی وی شو میں ول اسمتھ نے اس واقعے کو اپنی زندگی کی خوفناک رات قرار دیا تھا اور اس اقدام پر معذر کی تھی۔
جانی ڈیپ، امبر ہیئرڈ
سابق جوڑی جانی ڈیپ اور امبر ہیئرڈ کے درمیان ہتک عزت کے مقدمے کو بہت زیادہ شائع کیا گیا، دونوں فنکاروں کو رواں سال بہت زیادہ سرچ کیا گیا جبکہ کیس میں عدالت نے جانی ڈیپ کے حق میں فیصلہ سنایا تھا۔
ٹام بریڈی اور جیزیل بنڈچن
گوگل پر سرچ کیے جانے والوں میں این ایف ایل اسٹار ٹام بریڈی اور برازیلین سپر ماڈل جیزیل بنڈچن بھی شامل ہیں جنہوں نے شادی کے 13 سال بعد علیحدگی اختیار کر لی اور یہ سوشل میڈیا صارفین کے لیے دلچسپی کا موضوع بنا تھا۔
View this post on Instagram
کم کارڈیشین اور پیٹ ڈیوڈ سن
رئیلٹی ٹی وی اسٹار کم کارڈیشین اور کامیڈین پیٹ ڈیوڈسن نے رواں سال خبروں کی زینت بنے رہے جبکہ سوشل میڈیا صارفین ان کے شوہر کینے ویسٹ سے متعلق بھی فکرمند دکھائی دیے۔
View this post on Instagram
زینڈیا
ایمی ایوارڈ حاصل کرنے والی اداکارہ زینڈیا اپنی مشہور فلم اسپائیڈر نو وے ہوم سمیت دیگر ہٹ فلموں اور ساتھی ادکار ٹام ہالینڈ کے ساتھ رومینس کی وجہ سے خبروں کی زینت بنی رہیں۔
View this post on Instagram
