The news is by your side.

Advertisement

کراچی میں سیکیورٹی ادارے کی بڑی کارروائی، ریڈ بک کا مطلوب ملزم گرفتار

کراچی : شہر قائد سے ریڈ بک کا مطلوب ملزم پکڑا گیا، ملزم دہشت گرد محمدعلی چھوٹا کی مالی معاونت میں مبینہ طورپرملوث رہا ہے۔

تفصیلات کے مطابق کراچی میں سیکیورٹی ادارے نے بڑی کارروائی کرتے ہوئے ریڈ بک کے مطلوب ملزم کو حراست میں لے لیا، ظہورمہدی کونجی اسپتال میں کارروائی کےدوران حراست میں لیا گیا۔

ذرائع کا کہنا ہے کہ ظہور مہدی کا نام سی ٹی ڈی کی انتہائی مطلوب افراد کی فہرست میں شامل ہے اور یہ دہشت گرد محمدعلی چھوٹا کی مالی معاونت میں مبینہ طورپرملوث رہا ہے۔

یاد رہے رواں سال جولائی میں انسداد دہشت گردی فورس (سی ٹی ڈی) اور رینجرز نے مشترکہ کارروائی کر کے ریڈ بک میں شامل دہشت گرد کو گرفتار کیا تھا۔

اے آر وائی نیوز کے مطابق کراچی میں سی ٹی ڈی اورر ینجرزکی مشترکہ کارروائی کے نتیجے میں احمد علی عرف ٹی ٹی گرفتار ہوا، جس کا نام ریڈ بک میں شامل ہے۔

کاؤنٹر ٹیررازم ڈیپارٹمنٹ کے مطابق گرفتاردہشت گردنے2011میں نمائش چورنگی پر 4 افراد جبکہ 2011 میں ایم کیوایم کے یونٹ174 کےکارکن موسیٰ رضوی کوقتل کیا تھا۔

Comments

یہ بھی پڑھیں