سوشل میڈیا کی بدولت ستر سال سے جدائی کا غم سہنے والے ماں بیٹے ایک دوسرے سے جا ملے ۔
غیر ملکی خبر رساں ایجنسی کے مطابق عبدالقدوس منسی نامی شخص کو دس برس کی عمر میں اپنے چچا کے ساتھ رہنے بھیج دیا گیا تھا لیکن وہاں سے بھاگ جانے کے بعد ان کا اپنے خاندان سے رابطہ منقطع ہوگیا تھا۔
اس وقت عبدالقدوس کی پرورش کی ذمہ داری ان کی دو بہنوں نے لے لی تھی۔
رواں سال اپریل میں ایک تاجر نے عبدالقدوس کی ایک ویڈیو فیس بک پر پوسٹ کی تھی جس میں وہ اپنے خاندان کی تلاش میں مدد کی اپیل کر رہے ہیں، عبدالقدوس کو اپنی عمر کے ابتدائی دس برسوں کے بارے میں اپنے، والدین اور گاؤں کے نام کے علاوہ کچھ بھی یاد نہیں۔
اب عبدالقدوس خود تین جوان بیٹوں اور پانچ بیٹیوں کے والد ہیں، انہوں نے اپنے خاندان سے ملنے اور عشروں پر محیط جدائی کو ختم کرنے کے لیے مغربی شہر راج شاہی سے لگ بھگ تین سو پچاس کلومیٹر سفر طے کیا۔
گذشتہ ہفتے عبدالقدوس کی محنت رنگ لائی اور ان کی اپنی والدہ سے ملاقات ہوگئی، انیس سو انتالیس میں پیدا ہونے والے عبدالقدوس نے اس جذباتی لمحات پر کہا کہ ’یہ میری زندگی میں سب سے زیادہ خوشی کا دن ہے کیونکہ والدہ اور بہن نے ہاتھ پر موجود نشان کے باعث پہنچان لیا ہے۔
عبدالقدوس ستر سال سے ماں کی جدائی کا غم سہہ رہے تھے، ضعیف العمر والدہ سے ملاقات کے دوران چھلک پڑے، ماں اپنے بیٹے کو آغوش میں لئے کافی دیر تک روتی رہی، ’کئی عشروں کے بعد ہونے والی اس ملاقات کے مناظر دیکھنے کے لئے گاؤں نے لوگوں کی بڑی تعداد موجود تھے جو یہ مناظر دیکھ کرآبدیدہ ہوگئے۔
عبدالقدوس نے اس موقع پر گفتگو میں کہا کہ میری ماں بہت ضعیف ہیں، وہ ٹھیک طرح سے بول نہیں پاتیں، وہ مجھے دیکھنے اور اپنی آغوش میں لینے کے بعد دیر تک روتی رہیں، میں نے انہیں کہا کہ آپ کا بیٹا اب واپس آگیا ہے، اب آپ کو پریشان ہونے کی ضرورت نہیں ہے۔
