نئی دہلی: بھارت میں ایک انتہائی افسوسناک واقعہ پیش آیا، ماں نے جوان بیٹی کو اپنے گھر ہی میں دفن کردیا۔
بین الاقوامی خبر رساں ادارے کی رپورٹ کے مطابق مذکورہ واقعے کا انکشاف سعودی عرب میں مقیم لڑکی کے والد کی شکایت کے بعد ہوا، جنھوں نے پولیس سے ان کے گھر کی تلاشی لینے کی درخواست کی تھی۔
پولیس نے سعودی عرب میں مقیم لڑکی کے والد کی درخواست پر کارروائی کرتے ہوئے گھر میں دفن لاش برآمد کرلی، متوفی کی شناخت 17 سالہ پروین کے نام سے ہوئی، جسے پوسٹ مارٹم کے لیے بھیج دیا گیا۔
یہ افسوسناک واقعہ ہریانہ کے فرید آباد ضلع کے دھوج گاؤں میں پیش آیا، پولیس نے لڑکی کی والدہ حنیفہ بیگم کو حراست میں لے لیا ہے۔
رپورٹس کے مطابق مقتولہ کے والد نے سعودی عرب سے 7 جون کو اپنی لاپتہ بیٹی کے بارے میں متعلقہ پولیس اسٹیشن سے رابطہ کیا، مقتولہ کے والد نے پولیس کو بتایا کہ ان کے اپنی بیوی سے تعلقات اچھے نہیں ہیں۔
دوران تفتیش مقتولہ کی والدہ نے پولیس کو بتایا کہ انھوں نے قتل نہیں کیا بلکہ لڑکی نے خودکشی کی تھی۔ البتہ حنیفہ بیگم نے اپنی بیٹی کو گھر میں دفن کرنے کا اعتراف کیا، اس خوف سے کہ خودکشی کی خبر سے خاندان کی ساکھ خراب ہو جائے گی۔
حنیفہ بیگم نے مزید بتایا کہ اس کی بیٹی پروین ایک شخص سے محبت کرتی تھی اور وہ گھر سے بھاگ گئی تھی مگر جلد ہی واپس آگئی تھی، جس کے باعث اسے کمرے میں بند کردیا تھا۔
کالج کے طلباء کو سمندر کنارے ریل بنانا مہنگا پڑ گیا، ویڈیو وائرل
لڑکی نے دلبرداشتہ ہوکر اپنی زندگی کا خاتمہ کرلیا، بدنامی کے ڈر سے ہم نے اسے گھر میں دفن کر دیا، پولیس کا مزید کہنا ہے کہ پوسٹ مارٹم کی رپورٹ آنے کے بعد مزید تحقیقات کا آغاز کیا جائے گا۔
