حیدرآباد میں گھریلو تنازع پر ماں بیٹی کو دیوار میں چنوا کر قید کیے جانیکا انکشاف ہوا ہے، بی سیکشن پولیس نے کارروائی کرکے گھر میں قید ماں بیٹی کو بازیاب کرالیا۔
اے آر وائی نیوز کے مطابق پولیس ذرائع کا کہنا ہے کہ لطیف آباد 5 نمبر میں بھتیجوں نے چاچی اور اسکی بیٹی کو قید کردیا تھا، ماں بیٹی کو قید کرنے کے بعد ملزمان گھر کو بند کرکے فرار ہوگئے۔
پولیس کا کہنا ہے کہ ابتدائی معلومات کے مطابق ماں بیٹی ایک روز سے قید تھے، اطلاع ملنے پر اہلکار موقع پر پہنچے، دیوار توڑ کر ماں بیٹی کو نکالا گیا، فرار ملزمان کی گرفتاری کے لئے چھاپے مارے جارہے ہیں۔
اس سے قبل پنجاب کے شہر جہلم میں شوہر اور سسر نے نوبیاہتا دلہن کو قتل کردیا۔
پولیس کا بتانا ہے کہ جہلم کے علاقے دینہ میں غیرت کے نام پر شوہر اور سسر نے نوبیاہتا دلہن کو قتل کیا۔مقتولہ کرن شہزادی کی ڈھائی ماہ قبل ملزم مبشر سے شادی ہوئی تھی۔
ڈاکوؤں کی فہرست جاری، انعامی رقم مقرر
تفتیشی حکام کا بتانا ہے کہ دلہن کے والد کی مدعیت میں واقعے کا مقدمہ درج کرلیا گیا ہے، ملزمان کی گرفتاری کے لیے چھاپے مارے جارہے ہیں۔
