ایک افسوسناک واقعے میں ماں نے اپنی ننھی بیٹی کو کولڈرنک پلا پلا کر اس کی جان لے لی، مرنے سے پہلے لڑکی کے تمام دانت سڑ چکے تھے۔
امریکی ریاست اوہائیو میں ماں نے ذیابیطس میں مبتلا چار سالہ بیٹی کو زیادہ تر پینے کے لیے کولڈ ڈرنک دے کر اسے موت کے منہ میں پہنچا دیا، عدالت نے سنگین لاپروائی برتنے والی ماں کو تقریباً 10 سال قید کی سزا سنادی۔
استغاثہ نے دعویٰ کیا ہے کہ 41 سالہ تمارا بینکس نامی خاتون اپنی بیٹی کرمیٹی ہوئب کو زیادہ تر شکر والا سافٹ ڈرنک دیتی تھی یہاں تک کہ جب لڑکی کی موت واقع ہوئ تو اس کے تقریباً تمام دانت سڑ گئے تھے۔
اس کے علاوہ کرمیٹی کو کبھی دانتوں کے ڈاکٹر کے پاس بھی نہیں لے جایا گیا، کلرمونٹ کاؤنٹی کے اسسٹنٹ پراسیکیوٹنگ اٹارنی کا کہنا تھا کہ اس بچے کو مرنا نہیں تھا، یہ سب سے المناک واقعات میں سے ایک ہے جو میرے سامنے آیا ہے۔
بچی کی موت کی وجہ ذیابیطس کی ٹائپ ’کیٹوایسی ڈوسس‘ ہے، یہ ایسی حالت ہے جو ذیابیطس کے شکار لوگوں کے لیے جان لیوا ہے۔
استغاثہ کے مطابق، چارسالہ بچی ذیابیطس میں مبتلا تھی مگر اسے طویل عرصے بغیر تشخیص اور علاج کے رکھا گیا، کرمیٹی جنوری 2022 میں بے سدھ پائی گئی۔
کرمیٹی کے والد 53 سالہ کرسٹوفر ہوئب نے اسے مقامی اسپتال لے کر گئے جہاں ڈاکٹروں نے اس کا دماغ مردہ قرار دے دیا اور بعد میں اسے لائف سپورٹ سے ہٹا دیا گیا۔
بچی کی ماں نے مارچ میں غیرارادی قتل کا جرم قبول کیا۔ میاں بیوی دونوں پر غیر ارادی قتل اور دیگر الزامات کے تحت فرد جرم عائد کی گئی تھی۔
ہوئب پر بھی اپنی بیٹی کی موت کا الزام عائد کیا گیا ہے اور اس کی سزا 11 جون کو سنائی جائے گی جبکہ ماں بینکس کو 9 سال کی سزا سنائی گئی ہے۔
