صادق آباد : صوبہ پنجاب کے شہر صادق آباد میں ماں نے 2 بچوں کو زہر دے کر خودکشی کرلی، لاشوں کو پوسٹ مارٹم کے لیے اسپتال منتقل کردیا گیا۔
تفصیلات کے مطابق صادق آباد کے علاقے سونا چوک کی بلوچ کالونی میں 27 سالہ فاطمہ نے اپنے تین بچوں کو دہی میں زہر ملا کر دے دیا اور خود بھی زہر کھا لیا جس کے نتیجے میں چھ سالہ بچی اور ماں نے دم توڑ دیا۔
زہریلا دہی کھانے والے آٹھ سالہ بچے کو تشویش ناک حالت میں شیخ زید اسپتال منتقل کردیا گیا جبکہ سب سے بڑی بیٹی زہریلا دہی نہ پینے کے باعث بچ گئی۔
خاتون کے خاوند نے بتایا کہ وہ اپنی بیوی کے ساتھ بیوی کے ماں باپ کے گھر میں مقیم ہے وقوعہ کے وقت گھر میں کوئی بھی بڑا موجود نہیں تھا جاں بحق ہونے والی ماں بیٹی کی لاشوں کو تحصیل ہیڈ کوارٹراسپتال منتقل کر دیا گیا ہے جہاں ان کا پوسٹ مارٹم ہوگا۔
لیہ میں باپ نے 5 بچوں کو زہردے کرخودکشی کرلی
خیال رہے کہ گزشتہ سال 27 اپریل کو پنجاب کے شہر لیہ میں باپ نے اپنے بچوں کو زہردے کرخود بھی زہرکھا لیا تھا جس کے نتیجے میں 5 بچے اورباپ جاں بحق ہوگئے تھے۔
یاد رہے کہ 5 نومبر2017 کو جڑانوالہ کی رہائشی ریما نے اپنے شوہر فرحان سے گھریلو جھگڑے کے بعد طیش میں آکر مبینہ طور پر اپنی دو بچیوں کو زہریلی دوا پلا کر خود بھی اپنی زندگی کا خاتمہ کرلیا تھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں
