سوئل: جنوبی کوریا میں جدید ورچوئل ٹیکنالوجی کی مدد سے ماں کے سامنے اس کی مری ہوئی بیٹی مصنوعی طور پر زندہ دکھائی گئی۔
غیرملکی میڈیا کی رپورٹ کے مطابق جنوبی کوریا میں ایڈوانس ورچوئل ٹیکنالوجی کی مدد سے 9 منٹ کی ایک ڈوکیومنٹری تیار کی گئی جس میں ژنگ جی سنگ نامی خاتون کے سامنے اس کی مری ہوئی بیٹی مصنوعی طور پر زندہ دکھائی گئی لیکن بدقسمتی سے ماں اسے چھو نہیں سکتی تھی۔
رپورٹ میں کہا گیا ہے کہ مذکوہ خاتون کی بیٹی 2016 میں ہی وفات پاچکی ہے۔ گرین پردے کی مدد سے مصنوعی انداز میں ماں کو ایک پارک دکھایا گیا جہاں اس کی بیٹی کھیل رہی تھی، اس دوران خاتون کو الٹرا ڈیجیٹل ہیڈ سیٹ پہنایا گیا جس کے ذریعے یہ سارے مناظر دکھائی دے رہے تھے۔
اس ڈوکیومنٹری کے دوران ژنگ جی اپنے بیٹی سے ملی، دونوں ایک دوسرے کو دیکھ کر خوب مسکرا رہے تھے، ماں کو اس کی مری ہوئی بیٹی نے آبدیدہ کردیا، خاتون نے اسے چھونے کی بڑی کوششیں کی لیکن ناکام ٹھہری۔
اس دوران جذباتی مناظر دیکھنے میں آئے، ژنگ نے اپنی بیٹی سے پوچھا تم کہاں ہو میں تمہیں بہت یاد کرتی ہوں۔ خیال رہے کہ اس ڈوکیومنٹری کی فلمنگ کے دوران خاتون کے شوہر اور دیگر بچے بھی موجود تھے جن کی آنکھوں میں بھی آنسوں بھر آئے۔
