نئی دہلی : بھارت میں سفاک ماں نے اپنی خواہش کی تکمیل کیلئے عامل کے کہنے پر اپنے چار ماہ کے بیٹے کو بیلچے کے وار سے ٹکڑے کرکے مار ڈالا۔
بھارتی میڈیا کے مطابق ریاست اتر پردیش کے علاقے سلطان پور میں مبینہ طور پر ” قربانی” کے نام پر اپنے چار ماہ بیٹے کو قتل کردیا، پولیس نے ملزمہ کو گرفتار کر لیا ہے۔
اس حوالے سے پولیس کا کہنا ہے کہ سفاک ماں نے اپنی خواہش پوری کرنے کے لیے ننھے بچے کی قربانی دی، ملزمہ کے مبینہ طور پر اس جعلی عامل کے ساتھ تعلقات تھے۔
دھناؤدی گاؤں کی رہائشی35 سالہ منجو دیوی کو اس عامل نے کہا تھا کہ اسے اپنی خواہش پوری کرنے کیلئے اس بچے کی قربانی دینا ہوگی تاکہ جو وہ چاہتی ہے اسے حاصل ہوسکے۔
ملزمہ منجو دیوی نے گاؤں میں ایک کالے بت کے سامنے اپنے چار ماہ کے بچے کو لٹا کر بیلچے سے کاٹ کر قربان کردیا اور کاش کے ٹکڑے کردیے۔
اطلاع ملنے پر پولیس فوری طور پر موقع واردات پر پہنچی اور ملزمیہ کو گرفتار کرکے بچے کی لاش کو پوسٹ مارٹم کے لیے مقامی اسپتال روانہ کردیا۔
پولیس نے ملزمہ کو گرفتار کرکے ملزمہ اور عامل کیخلاف مقدمہ درج کرلیا، عامل کی گرفتاری کیلئے چھاپے مارے جارہے ہیں۔ بچے کو قتل کرنے میں استعمال ہونے والا بیلچہ بھی برآمد کرلیا گیا ہے۔
