میکسیکو(سٹی): اسمارٹ فون کا استعمال جیسے جیسے مقبول ہورہا ہے ویسے ہی صارفین میں خودنمائی کا شوق بھی تیزی سے بڑھتا جارہا ہے۔
دنیا میں شاید ہی کوئی ایسا شخص ہو کہ جس کے پاس اسمارٹ فون ہو اور اُس نے سیلفی نہ لی ہو، سیلفی لینے کے رجحان میں اس قدر اضافہ ہورہا ہے کہ بعض جنونی خطرناک سیلفی کے چکر میں اپنی جان تک گنوا بیٹھے۔
عام تو پر سیلفی کو بچوں اور نوجوانوں کا جنون کہا جاتا ہے مگر اب اس مرض میں بڑھتی عمر کے افراد (والدین) بھی تیزی سے مبتلا ہورہے ہیں، ایسے افراد بچوں کے مذاق سے بچنے کے لیے چھپ کرسیلفی لینے کی کوشش کرتے ہیں۔
ویڈیو کے لیے اسکرول نیچے کریں
گزشتہ دنوں سماجی رابطے کی ویب سائٹ پر ایک خاتون نے اپنی والدہ کی ویڈیو شیئر کی جس میں وہ کمرے میں چھپ کر سیلفی لینے کی کوشش کررہی تھیں کہ اسی دوران لوپیر کمرے میں پہنچ گئیں۔
والدہ کی غیر موجودگی کا احساس ہوا تو لیوپر موبائل کیمرے کی ریکارڈنگ کھول کر اُن کے کمرے کی طرف گئیں تو دیکھا والدہ چشمہ لگا تیار ہیں اور وہ چھپ کر سیلفی لینے کی تیاری کررہی ہیں۔
I still cant get over my moms reaction pic.twitter.com/UAfCJS4IzO
— Itati lopez (@itati_lopez) February 28, 2017
اسی دوران بیٹی نے والدہ کو آواز دی تو وہ ایک دم ہڑبڑا گئیں اور انہوں نے اپنا موبائل چھپانے کی کوشش کی تاہم لیوپر نے سماجی رابطے کی ویب سائٹ پر ویڈیو شیئر کرتے ہوئے لکھا کہ ’’میں اپنی والدہ کے تاثرات کو سمجھنے سے قاصر رہی ہوں‘‘۔
