تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ماں کا دودھ بچوں کے لئے کیوں ضروری ہے؟

بچے تو پھولوں کی طرح ناز ہوتے ہیں جن کی مناسب نگہداشت بے حد ضروری ہے۔ بچوں کی جسمانی اور ذہنی نشونما کے لیے ماں کا دودھ انتہائی اہم ہے۔ وہ بچے جنہیں مائیں اپنا دودھ پلاتی ہیں، ان کی ذہانت اور آئی کیو دوسرے بچوں کے مقابلے میں بہت زیادہ ہوتا ہے۔

حالیہ تحقیق میں یہ بات سامنے آئی ہے کہ وہ بچے جنہیں مائیں اپنا دودھ پلاتی ہیں، ان کی ذہانت اور آئی کیو دوسرے بچوں کے مقابلے میں بہت زیادہ ہوتا ہے۔

نیا دور اور جدید ٹیکنالوجی سے ایک جانب تو معیار زندگی میں ایسی واضح تبدیلیاں رونما ہورہی ہیں کہ انسانی زندگی بدل کررہ گئی ہے لیکن دوسری جانب بچوں کی پرورش کے معاملے میں بزرگوں کی جانب سے کی جانے والی احتیاطی تدابیر کی جدید سائنس اب خود تصدیق کرنے لگی ہے۔

آج کی مائیں اس بات کو خاطر میں لائیں یا نہ لائیں لیکن جدید تحقیق نے ثابت کردیا کہ ماں کا دودھ پینے والے بچے دوسروں کی نسبت زیادہ ذہین ہوتے ہیں۔

برازیل کی فیڈرل یونیورسٹی آف پیلوٹاز کی ریسرچ ٹیم نے 6ہزارنومولود بچوں کا 30سال کی عمر تک پہنچنے تک کا ڈیٹا جمع کیا اور 30سال کی عمر کو پہنچنے پر انہیں ایک آئی کیو ٹیسٹ دیا۔

ٹیسٹ کے نتائج نے ثابت کیا کہ وہ بچے جو ماں کا دودھ پی کر بڑے ہوئے دوسرے بچوں کے مقابلے میں ان کا آئی کیو لیول زیادہ رہا، یہی نہیں،ماں کا دودھ پینے والوں کا نہ صرف ذریعہ معاش بہترین رہا بلکہ وہ تعلیمی میدان اور سماجی زندگی میں بھی دوسروں کی نسبت آگے نظر آئے۔

اسی سے متعلق ہونے والی گزشتہ ریسرچ میں بھی یہ ثابت ہوچکا ہے کہ ماں کا دودھ بچوں کو معدے کی بیماریوں، سینے کے انفیکشن، دمے اور دیگر الرجیوں سے بھی محفوظ رکھتا ہے۔

Comments

- Advertisement -