The news is by your side.

Advertisement

ہارورڈ یونیورسٹی کے یہ سبق آپ کی زندگی بدل دیں گے

دنیا بھر میں تعلیمی ادارے نہ صرف اپنے طلبا کو علم کی دولت سے روشناس کرواتے ہیں بلکہ انہیں زندگی گزارنا اور زندگی کے مشکل مرحلوں سے نمٹنا بھی سکھاتے ہیں۔

استاد اور تعلیمی ادارے ہر انسان کی شخصیت پر گہرا اثر مرتب کرتے ہیں اور جو کچھ ہم ان سے سیکھتے ہیں وہ تاعمر ہمارے ساتھ رہتا ہے۔

دنیا کے بہترین تعلیمی اداروں میں سے ایک ہارورڈ یونیورسٹی بھی اپنے طالب علموں کو تعلیم کے علاوہ بھی زندگی کے مختلف سبق سکھاتی ہے، آج ہم ایسے ہی کچھ اقوال آپ کو بتانے جارہے ہیں جو اس ادارے کے طلبا نے یہاں کی جاگتی دیواروں سے سیکھے۔

اگر آپ ابھی سوئیں گے تو خواب دیکھیں گے، لیکن اگر آپ پڑھنے کو سونے پر ترجیح دیں گے تو یہ خواب حقیقت میں بدل جائیں گے۔

جب آپ سوچتے ہیں کہ وقت گزر گیا، بہت دیر ہوگئی، تب بھی وقت باقی ہوتا ہے۔

پڑھائی کی مشقت اور تکلیف عارضی ہے، لیکن جہالت کی تکلیف مستقل اور دائمی ہے۔

زندگی ساری عمر پڑھنے کے لیے نہیں ہے، لیکن اگر آپ یہ وقت بھی نہیں گزار سکتے تو پھر آخر آپ زندگی میں کیا کرسکتے ہیں؟

آج لطف اندوز ہونا اور مزے کرنا کل آپ کو رونے پر مجبور کرسکتا ہے۔

حقیقت پسند وہی ہیں جو مستقبل کے لیے کوئی خدمت انجام دیں۔

آج آپ کی تنخواہ اسی کے برابر ہے جو کل آپ نے تعلیم حاصل کی۔

صرف محنت سے ہی آپ اچھا کما سکتے ہیں۔

آپ کو ان میں سے کون سا قول سب سے زیادہ پسند آیا؟

Comments

comments

یہ بھی پڑھیں