تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

’نو پارکنگ‘ سے رائیڈر کو موٹر سائیکل سمیت اٹھانے کی ویڈیو وائرل

ٹریفک پولیس کے عملے کو نوپارکنگ سے آپ نے گاڑیوں کو لفٹر کے ذریعے اٹھاتے ہوئے دیکھا ہوگا لیکن کیا کبھی آپ نے یہ دیکھا ہے کہ رائیڈر کو موٹر سائیکل سمیت اٹھا لیا گیا ہو۔

بھارتی ریاست پونے میں ایک موٹر سائیکل سوار کی ایسی ہی ویڈیو وائرل ہورہی ہے جس پر بیٹھے شخص کو موٹر سائیکل سمیت لفٹ کرلیا گیا ویڈیو دیکھ کر سوشل میڈیا صارفین حیران رہ گئے۔

یہ واقعہ جمعرات کی شام بھارت کے پونے کے علاقے نانپیتھ میں پیش آیا جب ایک ٹریفک برانچ پولیس اہلکار نے کنٹریکٹ عملے کے ساتھ موٹرسائیکل اٹھا لی۔

بھارتی میڈیا کے مطابق پولیس کو اطلاع ملی کہ موٹر سائیکل نو پارکنگ ایریا میں کھڑی ہے جب عہدیداروں نے موٹر سائیکل کو لفٹ کرنا شروع کی تو مالک آیا اور اس پر بیٹھ گیا۔

ڈپٹی کمشنر ٹریفک پولیس کا کہنا ہے کہ موٹر سائیکل تقریباً اٹھا لی گئی تو مالک اس پر چڑھ کر بیٹھ گیا اور بار بار درخواست کے باوجود نیچے اترنے سے انکار کردیا جس کے بعد عملے نے اس شخص سمیت ہی موٹر سائیکل کو اٹھا لیا۔

واقعے کی ویڈیو سوشل میڈیا پر وائرل ہوگئی اور اسے صارفین کی جانب سے ری ٹویٹ بھی کیا جارہا ہے۔

ڈی سی پی کے مطابق اس شخص نے معافی مانگی اور جرمانہ بھی ادا کیا جبکہ کنٹریکٹ عملے کے ساتھ ساتھ ٹریفک پولیس اہلکار کے خلاف بھی کارروائی کی گئی جو ٹیم کا حصہ تھے۔

Comments

- Advertisement -