کراچی : شہر قائد میں موٹر سائیکل چھیننے اور چوری کی وارداتیں کم نہ ہو سکیں، رواں سال کے پہلے 7 ماہ کے دوران 31ہزار سے زائد وارداتیں ہوئیں۔
سی پی ایل سی ریکارڈ کے مطابق کراچی میں سب سے زیادہ موٹرسائیکلیں چوری اور چھیننے کی وارداتیں رونما ہوئیں۔ صرف پہلے ماہ جنوری میں سب سے زیادہ 7ہزار815وارداتیں ہوئیں۔
سی پی ایل سی کے مطابق سب سےکم جون میں4ہزار954وارداتیں رپورٹ ہوئیں، جنوری، فروری اور مارچ میں کرائم کا گراف اوپرجاتا رہا۔
رپورٹ میں کہا گیا ہے کہ اپریل سے وارداتوں میں کمی آناشروع ہوگئی، ابتدائی 7ماہ کے دوران اغواء برائےتاوان کی12وارداتیں رپورٹ کی گئیں۔
اس کے علاوہ 2024کے جولائی تک بھتہ طلب کرنے کے57واقعات رونما ہوئے، چوری و چھینی گئی اشیاء کی برآمدگی کی شرح انتہائی کم رہی۔
سی پی ایل سی ریکارڈ کے مطابق 11ہزار سے زائد چھینے گئےموبائل فون میں سے محض 123 برآمد ہوئے، 31ہزار سے زائد چوری وچھینی گئی موٹرسائیکلوں میں سے صرف ایک ہزار66برآمد کی جاسکیں۔
