The news is by your side.

Advertisement

لاہور میں رکشہ سوار خاندان سے بدتمیزی کا مقدمہ موٹرسائیکل سواروں کیخلاف درج

لاہور : پولیس نے گریٹراقبال پارک کےقریب رکشہ سوارخاندان سے بدتمیزی کا مقدمہ 10سے12موٹرسائیکل سواروں کےخلاف درج کرلیا اور پارک کےگردونواح میں لگےسیف سٹی کیمروں کاریکارڈحاصل کرلی ہے۔

تفصیلات کے مطابق لاہور میں گریٹراقبال پارک کےقریب رکشہ سوارخاندان سے بدتمیزی کا مقدمہ تھانہ لاری اڈہ میں 10 سے 12موٹر سائیکل سواروں کے خلاف درج کرلیا گیا ، پولیس نے پارک کے گردو نواح میں لگے سیف سٹی کیمروں کا ریکارڈ حاصل کرلی ہے۔

مقدمے میں کہا گیا کہ دولڑکیاں اور ایک بچی چنگ چی رکشے کی عقبی نشست پر بیٹھی تھیں کہ سرکلر روڈ گریٹر اقبال پارک کے نزدیک سے گزرتے ہوئے 10سے 12 اوباش لڑکوں نے رکشوں کا پیچھا کیا اور رکشے میں بیٹھی لڑکیوں پر آوازیں کستے رہے۔

یاد رہے جشن آزادی کے روز رکشے میں موجود خواتین کے ساتھ بدسلوکی کی ایک اور ویڈیو منظرعام پر آئی تھی ، جس میں اوباش نوجوان رکشے میں سوار خواتین کو ہراساں کرتے رہے۔

ویڈیو میں دیکھا جاسکتا تھا کہ اوباش نوجوانوں نے خواتین کو ہراساں کیا اور پیچھا کرتے رہے، اوباش نوجوان موٹر سائیکل سے اتر کر رکشے میں سوار ہوگیا اور خاتون کے ساتھ بدسلوکی کی جبکہ رکشے میں سوار خواتین نے خود کو بچانے کے لیے جوتا اٹھا لیا، خواتین کے ساتھ رکشے میں بچہ بھی سوار تھا

Comments

یہ بھی پڑھیں