موٹر ویز پر تیز رفتار گاڑیاں چلانے والوں کی شامت آگئی۔ پولیس نے خلاف ورزیوں پر مقدمات درج کر کے ڈرائیورز کو گرفتار کر لیا۔
موٹر وے پولیس کے مطابق موٹرویز پر حدرفتار کی خلاف ورزی پر مقدمات کا اندراج جاری ہے۔ لاہور۔ سیالکوٹ موٹروے پر 2 گاڑیوں پر ایف آئی آر درج کی گئی۔
موٹروے ایم 4 اور 5 پر 3 گاڑیوں پر ایف آئی آر درج کی گئیں۔
موٹروے پولیس نے بتایا کہ کار کی حدِرفتار 120 کلومیٹر اور پبلک سروس گاڑیوں کیلئے حد 110 کلومیٹر مقرر ہے، 150 کلومیٹر سے زائد رفتار پر مقدمات درج کیےگئے۔
موٹروے پولیس نے کہا کہ غفلت اور تیزرفتار ڈرائیونگ کی دفعات کے تحت مقدمات درج کیے گئے ڈرائیورز کو گاڑیوں سمیت تحویل میں لے کر مقامی پولیس کےحوالے کیا گیا۔
گزشتہ روز تیز رفتاری پر پہلی ایف آئی آر درج کی گئی تھی۔ تیز رفتاری کا واقعہ ملتان کے قریب موٹروے پر پیش آیا، ایم 4 موٹروے پر گاڑی 173 کلومیٹر فی گھنٹہ کی غیرقاونی رفتار پر جارہی تھی۔
تھانہ بدھلہ سنت ملتان میں غفلت اور تیزرفتار ڈرائیونگ کی دفعات کے تحت مقدمہ درج کیا گیا ہے۔ ڈرائیور رحیم خان کو حراست میں لے کر مقامی پولیس کے حوالے کر دیا گیا۔
