The news is by your side.

Advertisement

لنک روڈ زیادتی کیس :دہشت گردوں کو پکڑنے والی سی ٹی ڈی بھی عابد علی کا کھوج نہ لگا سکی

لاہور: لنک روڈ خاتون زیادتی کیس میں دہشت گردوں کو پکڑنے والی سی ٹی ڈی بھی مرکزی ملزم عابد علی کا کھوج نہ لگا سکی، ڈی آئی جی انویسٹی گیشن کا دعویٰ ہے کہ بہت جلد ملزم عابد کو گرفتار کرلیا جائے گا۔

تفصیلات کے مطابق لاہور لنک روڈ خاتون زیادتی کیس کوتیرہ روز گزر گئے لیکن کوئی پیش رفت نہ ہو سکی، پولیس مرکزی ملزم عابد علی کو گرفتار نہ کرسکی۔

پولیس کی طرف سے ملزم کو جلد گرفتار کرنے کے دعوے جاری ہے ، پولیس کا کہنا ہے کہ کیس کے مرکزی ملزم کی موجودگی کی اطلاع پر مختلف اضلاع میں چھاپے مارے گئے، تاحال ملزم عابد پولیس کے قابو نہ آسکا۔

دہشتگردوں کو پکڑنے والی سی ٹی ڈی بھی عابد علی کا کھوج نہ لگا سکی، ڈی آئی جی انویسٹی گیشن کا دعویٰ ہے کہ بہت جلد ملزم عابد کو گرفتار کرلیا جائے گا۔

دوسری جانب گرفتار شفقت علی اور دیگر ملزمان عابد کی بیوی،سالی دوقریبی عزیز،عابد کاساتھی بالامستری ،وقارالحسن سے تفتیش جاری ہے جبکہ شفقت اعتراف جرم بھی کرچکا ہے۔

خیال رہے عابد کے حلیہ بدلنے کی اطلاعات پر پنجاب پولیس نے ملزم کے مختلف روپ میں خاکے جاری کردیئے تھے جبکہ ملزم کی گرفتاری کےلئےدائرہ دوسرے صوبوں تک بھی بڑھا دیا گیا ہے۔

پولیس نےعابدعلی کے سات مختلف خاکے تیار کرالیے جو تفشیشی ٹیموں کے حوالے کر دئیے گئے ہیں ، پولیس کا کہنا ہے کہ ملزم بغیر داڑھی، بغیر مونچھوں، بغیر بالوں اور کلین شیو ہو سکتا ہے۔

Comments

یہ بھی پڑھیں