site
stats
سندھ

پرویز مشرف کا سیاسی سفر تمام ہوا، مولا بخش چانڈیو

حیدرآباد : مشیر اطلاعات سندھ مولا بخش چانڈیو نے وفاقی وزیر داخلہ چوہدری نثار کا نام لیے بغیر مطالبہ کیا کہ قومی سلامتی سے وابستہ معاملے ہر جو وزارت درست طریقے سے کارکردگی نہ دکھا سکی اس کے نگراں کو ہٹا دینا چاہیے۔

مشیر اطلاعات سندھ مولا بخش چانڈیو نے حیدر آباد میں صحافیوں سے گفتگو کرتے ہوئے ان کا کہنا تھا کہ قومی سلامتی سے متعلق خبر کے شائع ہونے کے معاملے کو درست طریقے سے حل نہیں کرپانے پر اُس وزارت کے نگراں کو ہٹا دینا چاہیے۔

پاکستان تحریک انصاف کے سربرا ہ عمران خان پر تنقید کرتے ہوئے مشیرِ اطلاعات سندھ کا کہنا تھا کہ شادی میں کیا رکھا ہے اب تو عمران خان کے بیٹے بھی جوان ہیں شادی تو اب بچوں کی ہونی چاہیے۔

ایک سوال کے جواب میں اُن کا کہنا تھا کہ سابق صدر جنرل (ریٹائرڈ) پرویزمشرف کا پاکستان میں کوئی کردار نہیں بنتا لیکن اس ملک میں سب کچھ ممکن ہے۔سابق صدر کو گمان ہے کہ احسان کے بدلے ایم کیو ایم پاکستان انھیں اپنی قیادت سونپ دے گی۔

مولا بخش چانڈیو نے ایم کیو ایم کا سندھ حکومت میں شمولیت کے حوالے سے پوچھے گئے ایک سوال کے جواب میں کہا کہ ا یم کیو ایم کوپتہ ہے کہ انہیں صرف پیپلز پارٹی منائے گی،وہ اسی لیے ناز نخرے کرتے رہتے ہیں اور اسی لیے ایم کیو ایم پاکستان والے ہم سے لڑتے بھی رہتے ہیں اورساتھ چلتے بھی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top