سندھ کے مسائل حل کرنے میں وفاق اپنا کردارادا نہیں کررہا، مولا بخش چانڈیو -
The news is by your side.

Advertisement

سندھ کے مسائل حل کرنے میں وفاق اپنا کردارادا نہیں کررہا، مولا بخش چانڈیو

حیدرآباد : پیپلز پارٹی کے رہنما مولا بخش چانڈیو نے کہا ہے کہ سندھ کے مسائل حل کرنے میں وفاق اپنا کردار ادا نہیں کررہا۔ رینجرز کو اختیارات ایک دو دن میں دے دئیے جائیں گے۔

ان خیالات کا اظہار انہوں نے حیدرآباد میں میڈیا سے گفتگو کرتے ہوئے کیا، مولا بخش چانڈیو نے اعتراف کیا کہ صوبے میں جہاں وسائل ہیں وہا ں مسائل بھی ہیں ،کراچی میں پانی کی قلت ہماری کوتاہی ہو سکتی ہے۔

ان کا کہنا تھا کہ سندھ کے لوگ جو تبدیلی چاہتے ہیں وہ ضرورآئے گی ،بہت سے اہم فیصلے ہوئے ہیں جن کے آثار نظر آئیں گے۔

مولا بخش چانڈیو نے کہا کہ نئے وزیر اعلیٰ کے آنے سے اداروں کی کارکردگی بہتر ہو گی ،آغاز بہت اچھا ہوا ہے محکموں کو مزید مستحکم کریں گے۔

رہنما پیپلز پارٹی کا کہنا تھا کہ پارٹی نے غیر معمولی فیصلہ کیا ہے اور غیر معمولی لوگ ہی غیر معمولی فیصلے کرتے ہیں ۔

انہوں نے بلاول بھٹو زرداری کو پاکستان کا مستقبل قراردیا۔ انہوں نے کہا کہ کراچی پر سب اپنا حق جتاتے ہیں تو مشکلات کو آسان کرنے کے لیے سندھ حکومت کی مدد بھی کریں۔

 

Comments

comments

یہ بھی پڑھیں