کنشاسا: افریقا کے وسطی ملک جمہوریہ کانگو میں واقع گاؤں کے رہائشیوں نے سونے اگلنے والے پہاڑ پر قبضہ کرلیا۔
بین الاقوامی میڈیا رپورٹ کے مطابق کانگو کے جنوبی صوبے کیوو کے شہریوں کو اطلاع ملی کہ قریب میں واقع پہاڑ سے سونا برآمد ہوا ہے جس کے بعد وہ بڑی تعداد میں سونا جمع کرنے پہنچ گئے۔
رپورٹ کے مطابق اس علاقے میں موجود پہاڑ قدرتی وسائل سے مالا مال ہیں جس کی وجہ سے مقامی حکام نے کان کنی پر پابندی عائد کررکھی ہے۔
مقامی حکام کی جانب سے شہریوں کو پہاڑوں سے دور رکھنے کے لیے دن میں اہلکار تعینات کیے جاتے ہیں، اسی وجہ سے مکین بڑی تعداد میں رات کے درمیانے پہر پہاڑ پر پہنچے اور حکومتی اجازت کے بغیر سونا جمع کرنے لگے۔
A video from the Republic of the Congo documents the biggest surprise for some villagers in this country, as an entire mountain filled with gold was discovered!
They dig the soil inside the gold deposits and take them to their homes in order to wash the dirt& extract the gold. pic.twitter.com/i4UMq94cEh— Ahmad Algohbary (@AhmadAlgohbary) March 2, 2021
سماجی رابطے کی ویب سائٹ پر شیئر ہونے والی ویڈیو میں دیکھا جاسکتا ہے کہ مقامی گاؤں کے مکین لوحی حی نامی پہاڑ کو کھود کر سونا جمع کررہے ہیں۔
The moment of washing the dirt and extracting the gold. #Congo pic.twitter.com/7L1V1Clm30
— Ahmad Algohbary (@AhmadAlgohbary) March 2, 2021
سونا جمع کرنے والے مقامی افراد کا کہنا ہے کہ ’یہ پہاڑ اُن کی زندگی تبدیل کردے گا کیونکہ وہ گزشتہ کئی برس سے غربت کی لکیر تلے زندگی بسر کررہے ہیں‘۔
علاقہ مکینوں نے اپنی مدد آپ کے تحت پہاڑ کو کھود کر سونا جمع کیا اور اسے وہیں بیٹھ کر دھونے بھی لگے۔
وزیربرائے قدرتی وسائل کا کہنا تھا کہ ’ہمارے اوپر گاؤں والوں کا بہت زیادہ دباؤ ہے کیونکہ وہ اس پہاڑ کو اپنی ملکیت سمجھتے ہیں، اسی وجہ سے وہ بغیر اجازت کان کنی کر کے سونا جمع کررہے ہیں‘۔