کراچی: سابق کپتان قومی کرکٹ ٹیم اور کراچی کنگز کے صدر وسیم اکرم نے مونچھیں رکھنے کے لیے رائے مانگ لی۔
تفصیلات کے مطابق سابق فاسٹ بولر وسیم اکرم نے سماجی رابطے کی ویب سائٹ ٹویٹر پر دو تصاویر شیئر کی اور مداحوں سے رائے مانگی ہے کہ وہ مونچھیں رکھیں یا نہیں۔
وسیم اکرم کی شیئر کردہ تصاویر میں دیکھا جاسکتا ہے کہ ایک تصویر میں وہ مونچھیں رکھے ہوئے ہیں اور دوسری تصویر کلین شیو ہے۔
وسیم اکرم نے مسکراتے ہوئے یہ بھی لکھا کہ ’مونچھ نہیں تہ کچھ نہیں۔‘
سماجی رابطے کی ویب سائٹ ٹویٹر پر سابق کرکٹرز سمیت مداحوں نے وسیم اکرم کو مختلف رائے دی۔
Moustache or no moustache ? Things you you do when you have nothing to do I suppose 😀#isolationcreation .Moooch nahi, tey kuch nahi … pic.twitter.com/e9FNeRBdul
— Wasim Akram (@wasimakramlive) April 13, 2020
سابق کرکٹر آصف اقبال کا کہنا تھا کہ ’ایک مرتبہ جانے دو۔‘ آسٹریلوی خاتون ایشا گوہا نے لکھا کہ ’نہیں۔‘ سوریا کمار یادیو نے لکھا کہ ’وسیم بھائی ایسا لگ رہا ہے جیسے آپ تربیت دے رہے ہیں۔‘
ایک ٹویٹر صارف عثمان رمضان نے وسیم اکرم کی پرانی تصویر شیئر کی اور لکھا کہ وسیم بھائی ’یہ والا لُک ایک بار پھر ہوجائے۔
We want this one again 😉 pic.twitter.com/6kEG6GClaH
— Usman Ramzan (@usmanpak55) April 13, 2020
واضح رہے کہ وسیم اکرم نے اپنے دور میں بلے بازوں کو جادوئی بولنگ سے کافی تنگ کیا اور پی ایس ایل فائیو میں وہ کراچی کنگز کے صدر ہیں۔
