The news is by your side.

ایم کیو ایم کا پیپلز پارٹی پر معاہدے پر عملدرآمد نہ کرنے کی نیت رکھنے کا الزام

کراچی : ایم کیو ایم نے پیپلز پارٹی پرمعاہدے پر عملدرآمد نہ کرنے کی نیت رکھنے کا الزام لگاتے ہوئے کہا پیپلزپارٹی کی نیت جعلی حلقہ بندیوں سے شہروں پر قبضے کی ہے۔

تفصیلات کے مطابق ایم کیو ایم ، پیپلزپارٹی اوروفاقی وزرا کے بلاول ہاؤس میں اجلاس کا احوال سامنے آگیا۔

ذرائع نے بتایا کہ اجلاس میں حلقہ بندیوں کے معاملے میں خاص پیشرفت نہیں ہوسکی اورایم کیو ایم پاکستان حلقہ بندیوں سے متعلق اپنے موقف پر ڈٹ گئی۔

ایم کیو ایم نے دو ٹوک جواب دیا کہ کسی کوشہری سندھ کےساتھ زیادتی نہیں کرنے دیں گے، سیاست نہیں بلکہ شہری سندھ کے مسائل کا مستقل حل چاہتے ہیں، مسائل کےمستقل حل کے لیے موجودہ اتحادی حکومت کا حصہ بنے۔

ایم کیو ایم نے پیپلز پارٹی پرمعاہدے پر عملدرآمد نہ کرنے کی نیت رکھنے کا الزام لگاتے ہوئے کہا کہ پیپلزپارٹی کی نیت جعلی حلقہ بندیوں سے شہروں پر قبضے کی ہے۔

وزیراعظم وفاقی نمائندہ وفد سے بریفنگ لینے کے بعد آصف زرداری سےرابطہ کریں گے ، جس کے بعد بدھ کے روز ایم کیو ایم اورپیپلز پارٹی کے درمیان ایک اور ملاقات کا امکان ہے۔

ذرائع کے مطابق ایم کیو ایم کل جنرل ورکرز اجلاس میں حکومت سے علیحدگی اور دیگرآپشنزپرکارکنان سےرائے لے گی۔

Comments

یہ بھی پڑھیں