پیر, مئی 20, 2024
اشتہار

کراچی کے بلدیاتی انتخابات میں فتح ، متحدہ کارکنان کا دھوم دھام سے جیت کا جشن

اشتہار

حیرت انگیز

کراچی : بلدیاتی انتخابات کا میدان ایم کیوایم کے نام رہا، متحدہ کارکنان نے دھوم دھام سے جیت کا جشن منایا۔

منی پاکستان کراچی کے بلدیاتی انتخابات کا چرچا پورے ملک میں جاری رہا معرکے میں پتنگ نے ایسی اڑان بھری، تیر، ترازو بلا اورشیر، سب کے سب ڈھیر ہوگئے۔ بلدیاتی انتخابات کے نتائج کے آغازکے ساتھ ہی ایم کیوایم کارکنان جناح گراؤنڈ پہنچے تو جشن کا سماں بندھ گیا۔

انتخابی نتائج آنا شروع ہوئے تو ایم کیوایم کی کامیابی پر کارکنان جوق درجو ق جناح گراؤنڈ پہنچے،جہاں جشن کا سماں تھا، جیت کی خوشی میں چاچا ایم کیوایم نے ایسا ناگن ڈانس پیش کیا کہ چھو ٹے بڑے سب جھوم اٹھے۔

- Advertisement -

ایم کیوایم کی خواتین بھی کسی سے کم نہ تھیں، ہاتھوں میں متحدہ کی میچنگ چوڑیاں،چہروں پر ایم کیوایم کے جھنڈے اور بیجز سے جیت کے رنگ چھلک رہے تھے ۔

انتخابات میں جیت کے بعد کارکنوں کاجوش دیدنی رہا، آتشبازی سے آسماں روشن ہو گیا شب بھر کارکن پارٹی کے نغموں پر جھومتے رہے اور پرجوش کارکنوں کےنعروں سےفضا صبح تک گونجتی رہی۔

امریکی ریاست ورجینیا میں متحدہ قومی مومنٹ کے کارکنان نے ایم کیو ایم کے مقامی دفتر میں جمع ہو کر کراچی کے بلدیاتی معرکہ کی فتح کا جشن دھوم دھام سے منایا گیا۔

ایم کیوایم کے مرکزی عہدیدران نے تقریب سے خطاب میں کہا کہ کراچی کی عوام نے ثابت کردیا کہ کراچی کل بھی ایم کیوایم کا تھا اور آج بھی ایم کیوایم کا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں