The news is by your side.

Advertisement

ایم کیو ایم کا پی ٹی آئی سے عددی اکثریت واضح کرنیکا مطالبہ

ایم کیو ایم پاکستان کی قیادت نے گورنر سندھ عمران اسماعیل سے تحریک عدم اعتماد کے حوالے سے پی ٹی آئی کی عددی اکثریت واضح کرنے کا مطالبہ کردیا۔

ایم کیو ایم اور گورنر سندھ عمران اسماعیل کے درمیان ہونے والی ملاقات کی اندرونی کہانی کا احوال سامنے آگیا۔

ذرائع نے بتایا کہ ایم کیو ایم نے تحریک عدم اعتماد کے حوالے سے گورنر سندھ کو کوئی یقین دہانی نہیں کرائی ہے بلکہ پی ٹی آئی سے اس سلسلے میں اپنی عددی اکثریت واضح کرنے کا مطالبہ کردیا ہے۔

ذرائع کے مطابق گورنر سندھ عمران اسماعیل نے متحدہ قومی موومنٹ پاکستان کے کنوینر ڈاکٹر خالد مقبول صدیقی کو وزیراعظم عمران خان کا پیغام پہنچاتے ہوئے کہا کہ حکومت کہیں نہیں جارہی اتحادی ڈٹے رہیں۔

ذرائع نے بتایا کہ ڈاکٹر خالد مقبول صدیقی نے کہا کہ تحریک عدم اعتماد کے حوالے سے ہماری مشاورت جاری ہے اور ہم فیصلہ کرنے میں آزاد ہیں، کئی آپشن ہیں جو بہتر ہوگا ہم اس پر جائیں گے۔

خالد مقبول نے واضح جواب دیتے ہوئے کہا کہ پی ٹی آئی سے اس سلسلے میں اپنی عددی اکثریت واضح کرے اور ثابت کرے کہ اسکے ارکان ممبرز اسکے ساتھ ہیں، کوئی رکن نہیں ٹوٹ رہا۔

Comments

یہ بھی پڑھیں