کراچی: ایم کیو ایم کے رہنما ڈاکٹر خالد مقبول صدیقی کہتے ہیں کہ متحدہ کو توڑنے کیلئے ہمیشہ اندر سے سازش کی گئی ، ایم کیو ایم قائد کے بغیر سب صفر بٹا سفر ہیں۔
نائن زیرو پر ہونیوالے جنرل ورکرز اجلاس سے خطاب میں ڈاکٹر خالد مقبول صدیقی کاکہنا تھا کہ ایم کیو ایم کا کبھی را سے نہ تعلق تھا اور نہ ہوگا، ایم کیوایم فوج سمیت تمام اداروں کا احترام کرتی ہے۔
ان کا کہنا تھا کہ ایم کیو ایم فوج سمیت تمام اداروں کا احترام کرتی ہے، ایم کیو ایم کبھی کسی ملک دشمنوں سے مل کر ملک کے خلاف کام نہیں کرسکتی۔
اس موقع پر پارلیمانی لیڈر محمد حسین کاکہنا تھا کہ متحدہ قائد کی کردار کشی کرنے والوں کا جلد منہ کالا ہوگا، اور ضمیر فروشوں کا ٹولہ جلد بھاگ جائے گا۔
محمد حسین نے کہا کہ ایم کیو ایم آج بھی مضبوط اور منظم ہے جس کو توڑا نہیں جاسکتا، ایم کیو ایم آج بھی پاک فوج کے ساتھ ہے اور ہر کڑے وقت میں شانہ بشانہ کھڑی ہوگی۔
